បន្ទាប់ពីមានការរិះគន់ច្រើននៅលេីបណ្ដាញសង្គមហ្វេសប៊ុក ករណីលោកអនុសេនីយ៍ត្រី ដុក ដេត មន្ត្រីនគរបាលប៉ុស្តិ៍រដ្ឋបាលគំរូ នៃ អធិការដ្ឋាននគរបាលស្រុកថ្មពួក ខេត្តបន្ទាយមានជ័យ បង្ហោះលេីបណ្ដាញសង្គមហ្វេសប៊ុក ដោយបានយករឿងជម្លោះព្រំដែនកម្ពុជា-ថៃមកធ្វើជាល្បែងភ្នាល់កំសាន្ត លោកឧត្ដមសេនីយ៍ទោ សិទ្ធិ ឡោះ ស្នងការខេត្ត បានចាត់មន្ត្រីជំនាញអញ្ជើញលោក ដុក ដេត មកសារសួរ ។
បន្ទាប់ពីសាកសួររួច សាម៉ីខ្លួនដែលជា អ្នកបង្ហោះបានទទួលស្គាល់កំហុសរួចបានលុបអត្ថបទនោះចេញវិញ ។ ទោះជាយ៉ាងណាក្ដី លោកអនុសេនីយ៍ត្រី ដុក ដេត នៅតែជាប់ វិន័យនគរបាលជាតិដដែល ។
បើតាមអ្នកនាំពាក្យស្នងការដ្ឋាននគរបាលជាតិ ការបង្ហោះសាររបស់អនុសេនីយ៍ដុក ដេតធ្វើឲ្យអាប់ឱនដល់កិត្តិយស តម្លៃនិងសេចក្តីថ្លៃថ្នូររបស់កងកម្លាំងនគរបាលជាតិ៕
អត្ថបទ៖តាខ្មៅ
