ក្រុមបាល់ទះជម្រើសជាតិជប៉ុន បានយកឈ្នះបារាំង ក្នុងលទ្ធផល ៣-២ ក្នុងប្រកួតទី៦ មុនជួបអ៊ុយក្រែន ក្នុងពានរង្វាន់បាល់ទះបុរសកម្រិតពិភពលោក FIVB Men’s Volleyball Nations League 2025 នៅថ្ងៃទី២៧ មិថុនានេះ។
ខណ:ក្រុមបាល់ទះជម្រើសជាតិជប៉ុន ឈរលេខ៣ តាមពីក្រោយក្រុមបាល់ទះជម្រើសជាតិស្លូវើនី ប៉ូឡូញ និងប្រេស៊ីលក្រោយឆ្លងកាត់៦ប្រកួត ឈ្នះ៤ ចាញ់២ មាន១១ពិន្ទុ។
ឆ្លងកាត់ ៦ប្រកួតរួមមករបស់ក្រុមបាល់ទះជម្រើសជាតិជប៉ុន រួមមាន៖
- ចិន ០-៣ ជប៉ុន (២៣–២៥ ១៤–២៥ ២២–២៥)
- ប៉ូឡូញ ៣-១ ជប៉ុន (២៧–២៥ ២៥–២២ ១៨–២៥ ៣៩–៣៧)
- ជប៉ុន ៣-០ ស៊ែប៊ី (២៥–២០ ២៥–២៣ ២៦–២៤)
- ហូឡង់ ០-៣ ជប៉ុន (១៨–២៥ ២៣–២៥ ១៨–២៥)
- ប៉ូលហ្គារី ៣-០ ជប៉ុន (២៧–២៥ ២៥–២៣ ២៥–១៩)
- បារាំង ២-៣ ជប៉ុន (២២–២៥ ២៥–១៩ ២៥–២២ ២០–២៥ ១១–១៥)
**កម្មវិធីប្រកួត ថ្ងៃទី២៧ មិថុនា នេះ៖
- អ៊ុយក្រែន ប្រកួតជាមួយ ជប៉ុន
- ប៉ុលហ្គារី ប្រកួតជាមួយ ស្លូវើនី
- ចិន ប្រកួតជាមួយ អ៊ីតាលី
- កាណាដា ប្រកួតជាមួយ ប៉ូឡូញ
- អាហ្សង់ទីន ប្រកួតជាមួយ អ៊ីរ៉ង់
- ហូឡង់ ប្រកួតជាមួយ គុយបា
ព្រឹត្តិការណ៍ ប្រកួតពានរង្វាន់បាល់ទះផ្នែកបុរស 2025 FIVB Volleyball Men’s Nations League ត្រូវបានរៀបចំឡើងដោយសហព័ន្ធកីឡាបាល់ទះអន្តរជាតិ បានចាប់ផ្ដើមដំណើរការពីថ្ងៃទី១១ មិថុនា ដល់ថ្ងៃទី៣ សីហា ២០២៥ ដោយមានក្រុមចូលរួមមកពីតាមទ្វីបនានាចំនួន១៨ក្រុម ធ្វើឡើងនៅប្រទេសចិន។
ក្រុមទាំង១៦ ដែលចូលរួមប្រកួតប្រជែងនៅក្នុងពានរង្វាន់ FIVB Volleyball Men’s Nations League ប៉ូឡូញ, ជប៉ុន, ប្រេស៊ីល, អ៊ីតាលី, ស្លូវេនី, កាណាដា, អ៊ុយក្រែន, ចិន, បារាំង, ប៊ុលហ្គារី, សហរដ្ឋអាមេរិក, មានអាហ្សង់ទីន, អាល្លឺម៉ង់, អ៊ីរ៉ង់, គុយបា, តួកគី, ហុល្លង់, ស៊ែប៊ី។
ពានរង្វាន់ FIVB Volleyball Men’s Nations League រៀបចំឡើងពីឆ្នាំ២០១៨ មកខណៈឆ្នាំដំបូងធ្វើឡើងនៅទីក្រុង Lille ប្រទេសបារាំង និងឆ្នាំបន្ទាប់ធ្វើឡើងនៅទីក្រុង Chicago សហរដ្ឋអាមេរិក ហើយក្រុមជម្រើសជាតិរុស្ស៊ី ឈ្នះជើងឯកទាំង២លើក ស្របពេលឆ្នាំ២០២០ កន្លងទៅត្រូវបានរំសាយចោលដោយសារស្ថានភាពរីករាលដាលនៃជំងឺកូវីដ-១៩។
លុះដល់ឆ្នាំ ២០២១ ធ្វើនៅទីក្រុង Rimini ប្រទេសអ៊ីតាលី ជើងឯកបានទៅលើក្រុមជម្រើសជាតិប្រេស៊ីល ចំណែកឯឆ្នាំ ២០២២ ធ្វើនៅទីក្រុង Bologna ប្រទេសអ៊ីតាលី ជើងឯកបានទៅលើក្រុមជម្រើសជាតិបារាំង និងចុងក្រោយឆ្នាំ ២០២៣ ធ្វើនៅទីក្រុង Gdańsk ប្រទេសប៉ូឡូញ ជើងឯកបានទៅលើក្រុមជម្រើសជាតិប៉ូឡូញ។ ខណ:ក្រុមបាល់ទះជម្រើសជាតិជប៉ុន ធ្លាប់ទទួលបានចំណាត់ថ្នាក់លេខ៣ (មេដាយសំរិទ្ធ) ម្តងប៉ុណ្ណោះកាលពីឆ្នាំ២០២៣៕
