ក្រុមព្រះខ័នរាជស្វាយរៀង ជាក្រុមដំណាងកម្ពុជា ស្ថិតនៅពូល B នៃពានរង្វាន់ប្រចាំតំបន់អាស៊ាន ASEAN Club Championship (Shopee Cup) 2025-26 ជាមួយ Johor Darul Ta’zim, Bangkok United, Thep Xanh Nam Dinh, Lion City Sailors និង១ក្រុមទៀត គឺក្រុមឈ្នះរវាង Ezra ប៉ះ Shan United។
ពូល A និង B៖
វគ្គជម្រុះ Playoff៖
រំលឹកថា ក្នុងពានរង្វាន់នេះដែរ ក្រុមដំណាងឱ្យកម្ពុជា ព្រះខ័នរាជស្វាយរៀង បានធ្លាក់ចេញ ត្រឹមវគ្គចែកពូលក្រោយឆ្លងកាត់ ៥ប្រកួត ឈ្នះ ២ ចាញ់២ និងស្មើ១។ ក្រុមដំណាងឱ្យកម្ពុជា ចូលរួមក្នុងពានរង្វាន់នេះគឺ នៅឆ្នាំ២០០៣ ក្រុម Samart United (បច្ចុប្បន្នភ្នំពេញក្រោន) ហើយនៅឆ្នាំ២០០៥ ក្រុមណាហ្គាខប បានចូលរួម (បច្ចុប្បន្ន ណាហ្គាវើល)។
ពានរង្វាន់ជើងឯកតំបន់អាស៊ាន នេះធ្លាប់រៀបចំឡើង២លើកមក ដោយក្នុងឆ្នាំ២០០៣ ជើងឯកបានទៅក្រុម East Bengal របស់ឥណ្ឌា ក្រោយយកឈ្នះក្រុម BEC Tero Sasana របស់ថៃ នៅវគ្គផ្ដាច់ព្រ័ត្រ ក្នុងទីក្រុងហ្សាកាតា ប្រទេសឥណ្ឌូណេស៊ី ហើយឆ្នាំ២០០៥ ជើងឯកបានទៅក្រុម Tampines Rovers របស់សិង្ហបុរី ក្រោយយកឈ្នះលើក្រុម Pahang FA របស់ម៉ាឡេស៊ី ដោយលទ្ធផល ៤-២ នៅទីក្រុងបានដារសេរីបេហ្គាវ៉ាន់ ប្រទេសប្រ៊ុយណេ។
ខណ:លើកទី៣ ក្លិបបាល់ទាត់ថៃ Buriram United គឺជាម្ចាស់ជើងឯក នៃពានរង្វាន់ក្លិបកំពូលអាស៊ាន ASEAN Club Championship Shopee Cup 2024/25 ក្រោយឈ្នះក្លិបវៀតណាម Cong An Hanoi ៣ទល់២ ដោយបាល់កាត់សេចក្ដី១១ម៉ែត្រ នាយប់ថ្ងៃទី២១ ខែឧសភា ឆ្នាំ២០២៥៕
