ក្រុមជម្រើសជាតិនារីកម្ពុជា នឹងត្រូវជួបក្រុមនារីអារ៉ាប៊ីសាអូឌីត ក្នុងប្រកួតចុងក្រោយ វគ្គជម្រុះក្នុងពានរង្វាន់ AFC Women’s Asian Cup Australia 2026 Qualifiers នារាត្រីថ្ងៃទី៥ ខែកក្កដា ក្នុងពហុកីឡដ្ឋានជាតិអូឡាំពិក រាជធានីភ្នំពេញ វេលាម៉ោង ៧:០០នាទីយប់។
កម្មវិធីប្រកួត និងលទ្ធផល របស់ក្រុមនារីកម្ពុជា៖
- ហុងកុង ១-១ កម្ពុជា ថ្ងៃទី២៩ មិថុនា ២០២៥
- កម្ពុជា ០-៦ ហ្វីលីពីន ថ្ងៃទី២ កក្កដា ២០២៥
- កម្ពុជា ប្រកួតជាមួយ អារ៉ាប៊ីសាអូឌីត ថ្ងៃទី៥ កក្កដា ២០២៥
កម្ពុជា កំពុងទទួលធ្វើជាម្ចាស់ផ្ទះ នៃការប្រកួតវគ្គជម្រុះក្នុងពានរង្វាន់ AFC Women’s Asian Cup Australia 2026 Qualifiers សម្រាប់ពូល G ជាមួយអារ៉ាប៊ីសាអូឌីត, ហុងកុង និងហ្វីលីពីន។
គួរបញ្ជាក់ផងដែរថា ក្រុមបាល់ទាត់នារីកម្ពុជា បន្ទាប់ពីប្រកួតវគ្គជម្រុះពានរង្វាន់កម្រិតអស៊ីនេះរួច ក្រុមនារីកម្ពុជា ក៏ត្រូវមានភារកិច្ចលើឆាកអន្តរជាតិ ២ កម្មវិធីផ្សេងទៀត នៅពាក់កណ្តាលឆ្នាំ ២០២៥ គឺការប្រកួតពានរង្វាន់នារីអាស៊ាន ASEAN Women’s Championship នៅប្រទេសវៀតណាម ចាប់ពីថ្ងៃ ៦ ដល់ទី ៩ ខែសីហា និងចុងក្រោយការប្រកួតកីឡាស៊ីហ្គេម លើកទី ៣៣ នាអំឡុងខែធ្នូ ចុងឆ្នាំ២០២៥នេះ នៅប្រទេសថៃ៕
