ក្រុមបាល់ទាត់ ខេមបូឌា អ៊ែរវ៉េ (Cambodia Airways) បានក្លាយជាម្ចាស់ជើងឯក ការប្រកួតបាល់ទាត់ពានរង្វាន់ ឯកអគ្គរដ្ឋទូតម៉ាឡេស៊ីលើកទី២ ឆ្នាំ២០២៥ “Malaysian Ambassador’s Football Shield 2025 ” បន្ទាប់ពីយកឈ្នះក្រុមបាល់ទាត់ ណាហ្គាវើល (Naga World) កាលពីល្ងាចថ្ងៃទី៦ ខែកក្កដា ឆ្នាំ២០២៥ នៅវិទ្យាល័យ ជាស៊ីម ជ្រោយចង្វារ។
ក្រុមបាល់ទាត់ ខេមបូឌា អ៊ែរវ៉េ បានបង្ហាញខ្លួនជាលើកដំបូងក្នុងកម្មវិធី Football Shield របស់ឯកអគ្គរាជទូតម៉ាឡេស៊ីឆ្នាំ 2025 ដោយលើកពានបន្ទាប់ពីយកឈ្នះណាហ្គាវើល បាល់ប៉េណាល់ទីកាត់សេចក្តី ដោយលទ្ធផល ៤-៣ បន្ទាប់ពីប្រកួតបានបញ្ចប់ក្នុងលទ្ធផល ១-១ ក្នុងម៉ោងធម្មតា។
លោក ស្យាហារ៉ូឌីន ប៊ីន អ៊ន (Shaharuddin Bin Onn ) បានមានប្រសាសន៍ថា៖ ខ្ញុំពិតជារីករាយណាស់ ដែលបានឃើញអ្នកទាំងអស់គ្នានៅទីនេះតាំងពីព្រឹកព្រលឹម លោកពិតជាមានកិត្តិយសណាស់ដែលមានឱកាសនេះ ក្នុងការធ្វើជាម្ចាស់ផ្ទះ និងរៀបចំការប្រកួតបាល់ទាត់ពានរង្វាន់ ឯកអគ្គរដ្ឋទូតម៉ាឡេស៊ីលើកទី២ ឆ្នាំ២០២៥ “Malaysian Ambassa dor’s Football Shield 2025 ” ម្តងទៀត។
លោកបានបន្តថា៖ «អ្វីដែលយើងមិនបានរំពឹងទុកកាលពីឆ្នាំមុនគឺការប្ដេជ្ញាចិត្តនិងការប្រកួតប្រជែងរបស់ក្រុម»។ “ស្មារតីនោះបានជំរុញឱ្យយើងធ្វើឱ្យការប្រកួតនៅឆ្នាំនេះកាន់តែល្អ”។ នៅពេលយើងចាប់ផ្តើម ប្រកួតពានរង្វាន់ ឯកអគ្គរដ្ឋទូតម៉ាឡេស៊ី ជាលើកដំបូងកាលពីឆ្នាំមុន វាគ្រាន់តែជាការនាំមិត្ត ភក្តិម៉ាឡេស៊ី និងកម្ពុជារបស់យើងរួមគ្នាតាមរយៈព្រឹត្តិការណ៍កីឡាមួយ ។
លោកឯកអគ្គរដ្ឋទូតក៏បានថ្លែងអំណរគុណដល់ម្ចាស់ឧបត្ថម្ភនៃការប្រកួត ដូចជា NagaWorld, Smart Axiata, ធនាគារ CIMB, Huawei, Prince Bank, The Ascott Limited, PCCS, និង MVA-QNET ដោយនិយាយថា ការរួមចំណែករបស់ពួកគេបានជួយធានាថាព្រឹត្តិការណ៍នេះទទួលបានជោគជ័យ។ លោកបានបន្ថែមថា៖ «យើងសូមអរគុណអ្នកឧបត្ថម្ភនីមួយៗដែលបានជួយធ្វើឱ្យព្រឹត្តិការណ៍នេះអាចទៅរួច»។ «សូមឲ្យស្មារតីនៃទឹកចិត្តកីឡាបន្តដឹកនាំយើងនៅពេលដែលយើងប្រកួត និងអបអរសាទរជាមួយគ្នា»។
សូមរំលឹកថា ក្រុមបាល់ទាត់ធនាគារ CIMB ដែលជាម្ចាស់ជើងឯកកាលពីឆ្នាំមុន ទទួលបានចំណាត់ថ្នាក់លេខ ៣ បន្ទាប់ពីបានយកឈ្នះ ក្រុមបាល់ទាត់ Reach Krud ។ ខណ:ក្រុមបាល់ទាត់ Midea បានដណ្ដើមបានមេដាយកិត្តិយស ដោយយកឈ្នះក្រុមបាល់ទាត់ Ezecom ក្នុងលទ្ធផល ៣-១ ក្នុងការស៊ុតបាល់ប៉េណាល់ទី។
ការប្រកួតបាល់ទាត់ពានរង្វាន់ ឯកអគ្គរដ្ឋទូតម៉ាឡេស៊ីលើកទី២ ឆ្នាំ២០២៥ “Malaysian Ambassador’s Football Shield 2025 ដែលរៀបចំដោយស្ថានទូតម៉ាឡេស៊ីប្រចាំរាជធានីភ្នំពេញ មានរយៈពេលមួយថ្ងៃពេញ បានចាប់ផ្តើមនៅម៉ោង ៧:០០នាទីព្រឹក និងបញ្ចប់នៅម៉ោង ៤:០០នាទីរសៀល។
ការប្រកួតបាល់ទាត់ពានរង្វាន់ ឯកអគ្គរដ្ឋទូតម៉ាឡេស៊ីលើកទី២ ឆ្នាំ២០២៥ មានទម្រង់លេង ៦ទល់៦ ដោយមាន ២៤ក្រុម ចែកចេញជា ៦ពូល ក្នុងមួយពូលមាន ៤ក្រុម។ ការប្រកួតនីមួយៗមានរយៈពេល ១៤នាទី ដោយបំបែកជាពីរតង់ដែលមានរយៈពេលប្រាំពីរនាទី។ ក្រុមកំពូលពីរមកពូលនីមួយៗបានឈានទៅវគ្គបន្ត។ ក្រុមដែលបញ្ចប់ក្នុងចំណាត់ថ្នាក់លេខ៣ និងទី៤ លេងដើម្បីទទួលបានរង្វាន់លើកទឹកចិត្ត។
២៤ក្រុមដែលចូលរួមប្រកួតប្រជែងមានដូចជា ធនាគារ CIMB Bank, NagaWorld, Cambodia Airways, Reach Krud, Smart Axiata, Asia Euro University, Huawei, Prince Bank, Khmer Times, Ezecom, Bridge Bank, RHB Bank, HH Bank, TNB Remaco, Midea, Hong Leong Bank, The Ascott Limited, CAFL, CllyICA, Baker-NET, Baker-NET, ក្រសួងបរទេស កិច្ចការ និងកិច្ចសហប្រតិបត្តិការអន្តរជាតិ។
គួរបញ្ជាក់ថា ការប្រកួតបាល់ទាត់ពានរង្វាន់ ឯកអគ្គរដ្ឋទូតម៉ាឡេស៊ី “Malaysian Ambassador’s Football Shield 2025 ” គឺជាលើកទី២ នៅឆ្នាំ២០២៥ ដែលជាលើកដំបូង មានរង្វាន់ផងដែរ ដោយជើងឯក ក្រុមបាល់ទាត់ ខេមបូឌា អ៊ែរវ៉េ (Cambodia Airways ទទួលបាន ១ ២០០ដុល្លារ ជើងឯករង ក្រុមបាល់ទាត់ ណាហ្គាវើល (Naga World) ទទួលបាន ១០០០ដុល្លារ ចំណាត់ថ្នាក់លេខ៣ ក្រុមបាល់ទាត់ធនាគារ CIMB ទទួលបាន ៨០០ដុល្លារ៕
