ក្រោយបញ្ចប់រដូវកាលឆ្នាំ២០២៤-២៥ ទីផ្សារដោះដូរកីឡាករនៅលីគកំពូលកម្ពុជា មានការរុះរើជាច្រើនមិនធ្លាប់មាន ខណៈកីឡាករខ្មែរ និងកីឡាករចូលសញ្ជាតិខ្មែរ ចំនួន២រូប បានចែកផ្លូវពីក្លិបចាស់ ព្រមទាំងបានសម្រេចទៅចូលរួមក្លិបនៅក្រៅប្រទេស ស្របពេលដែលកីឡាករ Takaki Ose អតីតសមាជិករបស់ភ្នំពេញក្រោន បានសម្រេចទៅចូលរួមជាមួយក្លិបធំមួយនៅក្រៅប្រទេសដូចគ្នា។
នេះជាកីឡាករកូនកាត់ខ្មែរ និងកីឡាករចូលសញ្ជាតិខ្មែរ ដែលបានទៅចូលរួមនៅលីគក្រៅប្រទស៖
- ទី១ កីឡាករចូលសញ្ជាតិខ្មែរ Andres Nieto អតីតសមាជិករបស់ក្លិបបាល់ទាត់ភ្នំពេញក្រោន បានសម្រេចចូលរួមជាមួយក្លិប Bhayangkara Presisi Lampung F.C សមាជិកលីគកំពូលនៃប្រទេសឥណ្ឌូណេស៊ី។
- ទី២ កីឡាករ នីក ថេល័រ កូនកាត់ខ្មែរ-អាមេរិក អតីតសមាជារបស់ក្លិបព្រះខ័នរាជាស្វាយរៀង សម្រេចចូលរួមជាមួយក្លិប PT Prachuap សមាជិកលីគកំពូលនៃប្រទេសថៃ ។
- ទី៣ កីឡាករចូលសញ្ជាតិខ្មែរ Takaki Ose អតីតសមាជិករបស់ក្លិបបាល់ទាត់ភ្នំពេញក្រោន បានសម្រេចចូលរួមជាមួយក្លិប BG Pathum United សមាជិកលីគកំពូលនៃប្រទេសថៃ ។
