ក្រុមបាល់ទះជម្រើសជាតិនារីអុីតាលី នៅតែបន្តភាពខ្លាំងរបស់ខ្លួន មិនទាន់បរាជ័យសោះ ១០ប្រកួតជាប់គ្នា នៃពានរង្វាន់បាល់ទះផ្នែកនារីពិភពលោក FIVB Women’s Volleyball Nations League 2025 ឈានដល់សប្ដាហ៍ទី៣ ត្រឹមថ្ងៃទី១១ ខែកក្កដា ឆ្នាំ២០២៥។
ឆ្លងកាត់ ១០ប្រកួតរបស់ក្រុមបាល់ទះនារី អ៊ីតាលី រួមមាន៖
- ប្រកួតទី១៖ អាមេរិក ០-៣ អ៊ីតាលី (១៣–២៥, ១៣–២៥, ២៨-៣០)
- ប្រកួតទី២៖ អាល្លឺម៉ង់ ២-៣ អ៊ីតាលី (២៥–២២, ១០–២៥, ២៥-២០, ១៣-២៥, ៩-១៥)
- ប្រកួតទី៣៖ កូរ៉េខាងត្បូង ០-៣ អ៊ីតាលី (១៣–២៥, ១៣–២៥, ១៧-២៥)
- ប្រកួតទី៤៖ ប្រេស៊ីល ០-៣ អ៊ីតាលី (២២–២៥, ១៨–២៥, ២៧-២៩)
- ប្រកួតទី៥៖ ប៊ុលហ្គារី ១-៣ អ៊ីតាលី (១៧–២៥, ២៥–២៣, ១៥–២៥, ១៥–២៥)
- ប្រកួតទី៦៖ ថៃ ០-៣ អ៊ីតាលី (១៩–២៥, ២០–២៥, ១៨–២៥)
- ប្រកួតទី៧៖ ជប៉ុន ២-៣ អ៊ីតាលី (២៣–២៥, ២៥–១៦, ១៥–២៥, ២៥-២០, ១៧-១៩)
- ប្រកួតទី៨៖ ចិន ០-៣ អ៊ីតាលី (២១–២៥, ២០–៣២, ១១–២៥)
- ប្រកួតទិ៩៖ អ៊ីតាលី ៣-០ បែលហ្សិក (២៥–១៩, ២៥–១៥, ២៥–១៨)
- ប្រកួតទិ១០៖ អ៊ីតាលី ៣-០ ស៊ែប៊ី (២៥–១៧, ២៦–២៤, ២៥–២០)
ក្រុមបាល់ទះជម្រើសជាតិនារីអុីតាលី នៅសល់ ២ប្រកួតទៀត សម្រាប់ការប្រកួតវិលជុំសន្សំពិន្ទុដែលមាន ៣សប្តាហ៍ និងបន្តជួប ក្រុមនារីតួកគី នៅថ្ងៃទី១២ កក្កដា និងបន្តជួប ក្រុមនារីហូឡង់ នៅថ្ងៃទី១៣ កក្កដា មុនឡើងទៅកាន់វគ្គ ៨ក្រុមចុងក្រោយ។
ការប្រកួតពានរង្វាន់បាល់ទះផ្នែកនារីពិភពលោក FIVB Women’s Volleyball Nations League 2025 មាន២ដំណាក់កាលគឺ ទី១ ការប្រកួតវិលជុំសន្សំពិន្ទុដែលមាន ៣សប្តាហ៍ គិតចាប់ពីថ្ងៃទី៤ ខែមិថុនា ដល់ថ្ងៃទី១៣ ខែកក្កដា ឆ្នាំ២០២៥។
ក្រុមដែលមានពិន្ទុខ្ពស់ជាងគេចំនួន៧ និងម្ចាស់ផ្ទះ ប៉ូឡូញ បានឡើងទៅដំណាក់កាលទី២ ដែលជាជុំផ្ដាច់ព្រ័ត្រ ធ្វើឡើងចាប់ពីថ្ងៃទី២៣ រហូតដល់ថ្ងៃទិ២៧ ខែមិថុនា ឆ្នាំ២០២៥ ដើម្បីរកឃើញម្ចាស់ជើងឯក។
សូមជម្រាបថា ពានរង្វាន់បាល់ទះផ្នែកនារីកម្រិតទី១ពិភពលោក បានបង្កើតឡើងដំបូងនៅឆ្នាំ២០១៨ ដោយនៅឆ្នាំដំបូងនោះគឺធ្វើឡើងនៅប្រទេសចិន នៅឆ្នាំ២០១៩ នៅរៀបចំនៅប្រទេសចិនដដែល ហើយក្រុមបាល់ទះជម្រើជាតិនារីអាមេរិក គ្រងជើងឯក២ឆ្នាំជាប់គ្នាតែម្តង។
នៅឆ្នាំ២០២០ មិនមានការរៀបចំនោះឡើយដោយសារជំងីកូវីត ១៩ នៅឆ្នាំ២០២១ ធ្វើឡើងនៅប្រទេសអ៊ីតាលី ជើងឯកបានលើក្រុមជម្រើសជាតិអាមេរិក ឆ្នាំ២០២២ ធ្វើនៅប្រទេសទួរគី ជើងឯកគឺបានលើក្រុមជម្រើសជាតិអ៊ីតាលី ។
នៅឆ្នាំ២០២៣ រៀបចំឡើងនៅសហរដ្ឋអាមេរិក ជើងឯកគឺបានលើក្រុមជម្រើសជាតិទួរគី និងចុងក្រោយឆ្នាំ២០២៤ ធ្វើនៅប្រទេសថៃ ជើងឯកបានលើក្រុមជម្រើសជាតិអ៊ីតាលី៕
