ព្រឹត្តិការណ៍ប្រកួតបាល់ទាត់វគ្គផ្ដាច់ព្រ័ត្រ Soccer League រដូវកាលទី ៨ ឆ្នាំ២០២៥ បានឈានដល់វគ្គផ្ដាច់ព្រ័ត្រ ដ៏កក្រើកចំនួន ២គូ ទាំងផ្នែកបុរស និងផ្នែកនារី ដែលនឹងរកឃើញម្ចាស់ជើងឯក នៅថ្ងៃសៅរ៍ ទី១២ ខែកក្កដា ឆ្នាំ២០២៥ ស្អែកនេះ ការប្រកួតចាប់ពីវេលាម៉ោង ២រសៀលតទៅ ពហុកីឡដ្ឋានជាតិអូឡាំពិក ចូលរួមទស្សនាដោយសេរី។
វគ្គផ្តាច់ព្រ័ត្របាល់ទាត់នារី ក្រុមនារីសុភីណា ជួប ក្រុមនារីមីស្ទើរលេង ចាប់ពីម៉ោង ២:៣០នាទីរសៀលតទៅ ពហុកីឡដ្ឋានជាតិអូឡាំពិក៖
វគ្គផ្តាច់ព្រ័ត្របាល់ទាត់បុរស អាណាចក្របៃតង ជួប គោពិឃាត ចាប់ពីម៉ោង ៦:០០នាទីរសៀលតទៅ ពហុកីឡដ្ឋានជាតិអូឡាំពិក៖
ការប្រកួតបាល់ទាត់ Soccer League ក្រុមបុរសមានចំនួន ៥៦ក្រុម បែងចែកជា១៦ពូល ដោយ ពូល A ដល់ពូល H មានចំនួន ៤ក្រុម ខណៈពូល I ដល់ពូល P មានចំនួន ៣ក្រុម។ សម្រាប់ប្រាក់រង្វាន់ក្រុមបាល់ទាត់បុរស ដែលទទួលបានជ័យលាភី មានដូចខាងក្រោម៖
- លេខ១ ទទួលបានពាន១ មេដាយចំនួន ២៧ និងទឹកប្រាក់ ២៥លានរៀល
- លេខ២ ទទួលបាន មេដាយប្រាក់២៧ និងទឹកប្រាក់ ១០លានរៀល
- លេខ៣ ទទួលបាន មេដាយសំរិទ្ធ២៧ និងទឹកប្រាក់ ៥លានរៀល
- ក្រុម Fair Play ទទួលបាន ប្រាក់លើកទឹកចិត្ត ២លានរៀល
- ក្រុមអាជ្ញាកណ្តាលល្អជាងគេ ទទួលបាន ប្រាក់លើកទឹកចិត្ត ១,៥លានរៀល
- កីឡាករទាត់ចូលទីច្រើនជាងគេ ទទួលបាន ប្រាក់លើកទឹកចិត្ត ១,៥លានរៀល
- អ្នកចាំទីល្អជាងគេ ទទួលបាន ប្រាក់លើកទឹកចិត្ត ១,៥លានរៀល
- គ្រូបង្វឹកល្អជាងគេ ទទួលបាន ប្រាក់លើកទឹកចិត្ត ១,៥លានរៀល។
ការប្រកួតបាល់ទាត់ Soccer League មានក្រុមនារីចំនួន ៧ក្រុម ចែកចេញជា ២ពូល ក្នុងនោះមាន A មាន ៤ក្រុម និងពូល B មាន ៣ក្រុម។ សម្រាប់ក្រុមបាល់ទាត់នារី ដែលទទួលបានជ័យលាភី នឹងទទួលបានពានរង្វាន់ ដូចខាងក្រោម៖
- លេខ១ ទទួលបាន ពាន១ មេដាយមាស២៧ និងទឹកប្រាក់ ១០លានរៀល
- លេខ២ ទទួលបាន មេដាយប្រាក់២៧ និងទឹកប្រាក់ ៥លានរៀល
- លេខ៣ ទទួលបាន មេដាយសំរិទ្ធ២៧ និងទឹកប្រាក់ ៣លានរៀល ។
- ក្រុម Fair Play ទទួលបានប្រាក់លើកទឹកចិត្ត ២លានរៀល
- ក្រុមអាជ្ញាកណ្តាលល្អជាងគេ ទទួលបានប្រាក់លើកទឹកចិត្ត ១លានរៀល
- កីឡាករទាត់ចូលទីច្រើនជាងគេ ទទួលបានប្រាក់លើកទឹកចិត្ត ១លានរៀល
- អ្នកចាំទីល្អជាងគេ ទទួលបានប្រាក់លើកទឹកចិត្ត ១លានរៀល
- គ្រូបង្វឹកល្អជាងគេ ទទួលបានប្រាក់លើកទឹកចិត្ត ១លានរៀល។
សម្រាប់រដូវកាលនេះ ព្រឹត្តិការណ៍ Soccer League បានពង្រីកការចូលរួម ដោយបន្ថែមនូវវិញ្ញាសាបាល់ទាត់នារីជាលើកទី៣ ក្នុងគោលបំណងលើកជំរុញចិត្ត និងលើកកម្ពស់សមត្ថភាពកីឡាការិនី ក្នុងការចូលរួមសកម្មភាពកីឡា។
ប្រវត្តិនៃការប្រកួតកីឡាបាល់ទាត់ពាន់រង្វាន់ Soccer League៖
- លើកទី១ ឆ្នាំ២០១២ មាន២០ក្រុមចូលរួម ជ័យលាផីជើងឯក បានលើកក្រុម សមាគមយុវជន ក១២
- លើកទី២ ឆ្នាំ២០១៣ មាន៤០ក្រុមចូលរួម ជ័យលាភីជើងឯក បានទៅលើកក្រុម ស.ស.យ.ក ព្រៃវែង
- លើកទី៣ ឆ្នាំ២០១៥ មាន៤៧ក្រុមចូលរួម ជ័យលាភីជើងឯក បានទៅលើកក្រុម ណាចក្របៃតង
- លើកទី៤ ឆ្នាំ២០១៦ មាន៦០ក្រុមចូលរួម ជ័យលាភីជើងឯក បានទៅលើកក្រុម ពោធិ៍សែនជ័យ
- លើកទី៥ ឆ្នាំ២០១៩ មាន៧២ក្រុមចូលរួម ជ័យលាភីជើងឯក បានទៅលើកក្រុម យុវជនសូភីណា
- លើកទី៦៖ឆ្នាំ២០២៣ មាន ៧៤ក្រុមចូលរួម (ស្រី ១០ក្រុម) ក្រុមបាល់ទាត់ស.ស.យ.ក. ខេត្តកណ្ដាល (បុរស) ក្រុមសុភីណាអេហ្វស៊ី (នារី)
- លើកទី៧៖ ឆ្នាំ ២០២៤ មាន ៦១ក្រុមចូលរួម (ស្រី ១៣ក្រុម) ជ័យលាភីជើងឯក បានទៅលើកក្រុម Khmer United FC (បុរស) ក្លិបបាល់ទាត់ភ្នំពេញក្រោន (នារី)៕
