កងយោធពលខេមរភូមិន្ទ (Tiffy Army FC) នឹងត្រូវប្រកួតជាមួយ អាយ អេស អាយ ដង្កោសែនជ័យ ដើម្បីដណ្ដើមចំណាត់ថ្នាក់លេខ៣ នៃការប្រកួតពានរង្វាន់មុនបើករដូវកាលថ្មី VISAKHA PRE-SEASON CUP 2025 នៅថ្ងៃទី១២ ខែកក្កដា ឆ្នាំ២០២៥ នៅកីឡដ្ឋានព្រីនស៍ វេលាម៉ោង ៦:០០នាទីល្ងាច។
ស្របពេលវគ្គផ្តាច់ព្រ័ត្រ នឹងធ្វើឡើងនៅថ្ងៃទី១៣ ខែកក្កដា ឆ្នាំ២០២៥ ដោយ វិសាខាប្រកួតជាមួយ ភ្នំពេញក្រោន ម៉ោង ៦:០០ល្ងាច នៅកីឡដ្ឋានព្រីនស៍។
ពានរង្វាន់ VISAKHA PRE-SEASON CUP 2025 មាន ៤ក្រុមចូលរួមប្រកួតប្រជែង រួមមាន៖ វិសាខា ភ្នំពេញក្រោន Tiffy Army FC និង អាយ អេស អាយ ដង្កោសែនជ័យ ដែលជាការត្រៀមខ្លួន និងវាស់ស្ទង់បច្ចេកទេសសមត្ថភាពរបស់កីឡាករ ដើម្បីត្រៀមសម្រាប់រដូវកាលថ្មី។
ចំពោះការការប្រកួត នៅថ្ងៃទី៩-១០ ខែកក្កដា ក្រុមចាញ់ ជួបគ្នាដើម្បីដណ្ដើមចំណាត់ថ្នាក់លេខ៣ នៅថ្ងៃទី១២ កក្កដា ក្រុមដែលឈ្នះ នឹងជួបគ្នា ដណ្ដើមជើងឯក៕
