ភ្នំពេញ៖ អគ្គិភ័យបានឆាបឆេះផ្ទះប្រជាពលរដ្ឋក្នុងបុរីមួយកន្លែងបង្កការភ្ញាក់ផ្អើលដល់សមត្ថកិច្ចនិងរថយន្តពន្លត់អគ្គិភ័យចេញជួយបាញ់ពន្លត់។ ហេតុការណ៍គ្រោះអគ្គិភ័យបានកើតឡើងកាលវេលាម៉ោង១២:២៦នាទី ថ្ងៃទី១៨ ខែកក្កដា ឆ្នាំ២០២៥ ស្ថិតនៅចំណុចទីតាំងក្នុងបុរីឡុងនី គម្រោងទី៤ ផ្ទះលេខ២៣ ផ្លូវលេខ០៣ ស្ថិតក្នុងភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។
សមត្ថកិច្ចជំនាញបានបញ្ជាក់ឲ្យដឹងថា ម្ចាស់ផ្ទះខាងលើ មានឈ្មោះ ស៉ីន ស្រីខាវ ភេទស្រី អាយុ២៨ឆ្នាំ មុខរបរ មេផ្ទះ មានទីលំនៅ ទីតាំងកេីតហេតុខាងលេី ចំពោះករណីអគ្គីភ័យខាងលើនេះគឺបណ្តាលមកពី ឆ្លងចរន្តអគ្គិសនី កុងម៉ា ចំណែកសំភារៈដែលខូចខាត៖ បន្ទប់ទទួលភ្ញៀវដូចជា ទូតាំង ម៉ាស៉ីនត្រជាក់ និង ពិដាន ។
ក្នុងហេតុការណ៍អគ្គីភ័យខាងលើពុំបណ្តាលឲ្យមានអ្នករងរបួសឬស្លាប់នោះទេ ដោយឡែកសមត្ថកិច្ចបានប្រេីប្រាស់រថយន្តទាំងអស់ចំនួន០២គ្រឿង រថយន្តការិ.អគ្គិភ័យ : ចំនួន០១គ្រឿង រថយន្តជំនួយអន្តរាគមន៍ៈ ស្រាបៀកម្ពុជាចំនួន ០១គ្រឿង ប្រេីប្រាស់ទឹកអស់សរុប០៩ម៉ែត្រកូប ហើយអគ្គីភ័យខាងលើនេះបានរលត់ទៅវិញទាំងស្រុង: នៅម៉ោង១២:៥នាទី ថ្ងៃខែឆ្នាំដដែល ៕
អត្ថបទ៖ សេង សាវី
