លោក ទៀង ទីនី គ្រូបង្វឹកក្រុមយុវជនវិសាខា អាយុក្រោម១៦ឆ្នាំ បានលើកឡើងពីការប្រកួតលីគយុវជនអាយុក្រោម ១៦ឆ្នាំកម្ពុជា ថា កាលរដូវកាលមុនការប្រកួតវគ្គសន្សុំពិន្ទុពិតជាល្អ ក្មេងៗមានការប្រកួតច្រើន ប្ដូរទឹកដី ខណ:ឈានដល់វគ្គខ្វែង ក្រុមលេខ១ ត្រូវរង់ចាំនៅវគ្គផ្ដាច់ព្រ័ត្រ លេងបានតែ ១ប្រកួត។
លោក ទៀង ទីនី បន្ថែមថា ប្រសិនបើការប្រកួតប្រើរូបបមន្តយក Top4 ដូចឈុតធំ នឹងមានការប្រកួតសន្សុំពិន្ទុ ការប្រកួតកាន់តែច្រើន កាន់តែល្អ។ ដូចនេះលោកថា សុំឱ្យឆ្នាំនេះ ការប្រកួតមិនចាំបាច់មានវគ្គ PlayOff តែសូមឱ្យមានការប្រកួតសន្សុំពិន្ទុដូចការប្រកួតលីគកំពូលដែរុ។
ស្ដាច់កិច្ចសម្ភាសន៍ពេញរបស់សារព័ត៌មានត្រយង និងលោក ទៀង ទីនី គ្រូបង្វឹកក្រុមយុវជនវិសាខា អាយុក្រោម១៦ឆ្នាំ៖
ការប្រកួតលីគយុវជន អាយុក្រោម១៦ និង១៨ឆ្នាំ U16&U18 Cambodian Youth League ឆ្នាំ២០២៥-២៦ មាន ១០ក្រុមចូលរួមប្រជែងពាន រួមមាន៖ ព្រះខ័នរាជស្វាយរៀង ភ្នំពេញក្រោន សាលាបាល់ទាត់រាជធានីភ្នំពេញ ខេត្តកំពង់ឆ្នាំ អាយអេសអាយ ដង្កោសែនជ័យ សាលាបាល់ទាត់ជាតិបាទី Tiffy Army FC បឹងកេត អង្គរថាយហ្គឺរ និងវិសាខា។
គួរបញ្ជាក់ថា ការប្រកួត នឹងចាប់ផ្ដើមពីថ្ងៃអាទិត្យ ទី២៧ ខែកក្កដា ឆ្នាំ២០២៥។ ការប្រកួតប្រព្រឹត្តរៀងរាល់ថ្ងៃអាទិត្យ ដោយ U18 ដំណើរការពេលព្រឹក និង U16 ពេលរសៀល៕
