ការប្រកួតពានរង្វាន់លីគកំពូលកម្ពុជា Cambodian Premier League រដូវកាល ២០២៥-២៦ នឹងចាប់ផ្តើមថ្ងៃសៅរ៍ ទី៩ ខែសីហា ឆ្នាំ២០២៥ខាងមុននេះហើយ ដោយការប្រកួតបើកឆាក ឡាយហ្វ ខេត្តព្រះសីហនុ ជួបបឹងកេត ខណ: Tiffy Army FC ជួប វិសខា។
សម្រាប់រដូវកាលថ្មីនេះ សមាសភាពក្លិប ដែលត្រៀមប្រជែង លីគកំពូលកម្ពុជា មាន១១ក្រុមរួមមានដូចជា៖ វិសាខា, ព្រះខ័នរាជស្វាយរៀង, ភ្នំពេញក្រោន, ណាហ្គាវើលដ៍, ក្រសួងមហាផ្ទៃ, Tiffy Army, Life FC, គិរីវង់សុខសែនជ័យ, ISI ដង្កោសែនជ័យ, បឹងកេត, អង្គរថាយហ្គឺរ។
នេះគឺជាកីឡដ្ឋានរបស់ក្រុមទាំង១១ ប្រើប្រាស់ជាទឹកដី សម្រាប់ប្រកួតលីគកំពូលកម្ពុជា រដូវកាល ២០២៥-២៦ នៅក្នុង រាជធានីភ្នំពេញ – ខេត្តសៀមរាប – ខេត្តព្រះសីហនុ – ខេត្តកំពង់ស្ពឺ និង ខេត្តតាកែវ ៖
អង្គរថាយហ្គឺរ ប្រើប្រាស់កីឡដ្ឋាន Akihiro Kato មានមូលដ្ឋាននៅខេត្តសៀមរាប
ណាហ្គាវើលដ៍ ប្រើប្រាស់កីឡដ្ឋាន ខេត្តកំពង់ស្ពឺ មានមូលដ្ឋាននៅខេត្តកំពង់ស្ពឺ
ISI ដង្កោសែនជ័យ ប្រើប្រាស់កីឡដ្ឋាន AIA Stadium, KMH Park មានមូលដ្ឋាននៅភ្នំពេញ
បឹងកេត ប្រើប្រាស់ពហុកីឡដ្ឋានជាតិ មានមូលដ្ឋាននៅភ្នំពេញ
Tiffy Army ប្រើប្រាស់កីឡដ្ឋានស្តាតចាស់ មានមូលដ្ឋាននៅភ្នំពេញ
ភ្នំពេញក្រោន ជើងទី១ ប្រកួតក្រៅដីបណ្ដុះអាសន្ន (កីឡដ្ឋាន Smart RSN កំពុងជួសជុល)
ព្រះខ័នរាជស្វាយរៀង ប្រើប្រាស់ពហុកីឡដ្ឋានជាតិមរតតេជោ មានមូលដ្ឋាននៅភ្នំពេញ
វិសាខា ប្រើប្រាស់កីឡដ្ឋានព្រីនស៍ មានមូលដ្ឋាននៅភ្នំពេញ
ក្លិបបាល់ទាត់ អឹមអូអាយ កំពង់ដេវ៉ា អេហ្វស៊ី ប្រើប្រាស់កីឡដ្ឋានព្រីនស៍ មានមូលដ្ឋាននៅភ្នំពេញ
គិរីវង់សុខសែនជ័យ ប្រើប្រាស់កីឡដ្ឋានគិរីវង់សុខសែនជ័យ មានមូលដ្ឋាននៅ ខេត្តតាកែវ
Life FC ខេត្តព្រះសីហនុ ប្រើប្រាស់កីឡដ្ឋានឡាយហ្វ មានមូលដ្ឋាននៅ ខេត្តព្រះសីហនុ
គួរបញ្ជាក់ថា សម្រាប់ពានរង្វាន់ លីគកំពូលកម្ពុជា Cambodian Premier League រដូវកាលថ្មី ឆ្នាំ២០២៥-២០២៦ គ្រោងនឹងចាប់ផ្តើមពី ថ្ងៃសៅរ៍ ទី៩ ខែសីហា ឆ្នាំ២០២៥ ខណ:ការប្រកួត ខេមបូឌានស៊ូបភើខាប់ Cambodian Super Cup រវាងព្រះខ័នរាជស្វាយរៀង និងភ្នំពេញក្រោន នឹងធ្វើឡើងនៅថ្ងៃអាទិត្យ ទី៣ ខែសីហា ឆ្នាំ២០២៥៕
