នាថ្ងៃទី២៦ ខែកក្កដា ឆ្នាំ២០២៥នេះ អ្នកនាំពាក្យអង្គការសហប្រជាជាតិបាននិយាយកាលពីថ្ងៃព្រហស្បតិ៍ថា អគ្គលេខាធិការអង្គការសហប្រជាជាតិ លោក Antonio Guterres បានជំរុញឱ្យប្រទេសថៃ និងកម្ពុជាអនុវត្តការអត់ធ្មត់ជាអតិបរមា។
លោក Farhan Haq អ្នកនាំពាក្យរងរបស់ប្រមុខ UN បាននិយាយនៅក្នុងសន្និសីទសារព័ត៌មានប្រចាំថ្ងៃថា «អគ្គលេខាធិការកំពុងតាមដានរបាយការណ៍ព្រួយបារម្ភអំពីការប៉ះទង្គិចគ្នាដោយប្រដាប់អាវុធនៅព្រំដែនកម្ពុជា និងថៃ»។
បន្ទាប់ពីស្ថានការណ៍កាន់តែតានតឹង សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានជំរុញឱ្យក្រុមប្រឹក្សាសន្តិសុខអង្គការសហប្រជាជាតិកោះប្រជុំបន្ទាន់មួយ ដើម្បីពិភាក្សាអំពីបញ្ហានេះ។
ការអំពាវរបស់ថ្នាក់ដឹកនាំអង្គការសហប្រជាជាតិកើតឡើងបន្ទាប់ពីស្ថានការណ៍នៅព្រំដែនកម្ពុជា-ថៃបានកើនឡើង បន្ទាប់ពីមានការប៉ះទង្គិចគ្នាកាលពីថ្ងៃព្រហស្បតិ៍ ទី២៨ ខែកក្កដា ឆ្នាំ២០២៥។ យ៉ាងណា ភាគីកម្ពុជាបានអត់ធ្មត់ និងមានចារឹកចាស់ទុំក្នុងការដោះស្រាយបញ្ហា ប៉ុន្ដែភាគីថៃបានចោទមកលើកម្ពុជា ទាំងដែលការពិតប្រទេសថៃ គឺជាអ្នកផ្ដើមវាយប្រហារមកលើកម្ពុជាមុន កម្ពុជាប្រើសិទ្ធិការពារខ្លួន ដើម្បីការពារបូរណភាពទឹកដី និងអធិបតេយ្យជាតិតែប៉ុណ្ណោះ៕
