មហាជននៅលើបណ្តាញសង្គម ទាំង Facebook, Tiktok និង X (Twitter) បានបង្ហោះព្រោងព្រាតពីហេតុផលដែលទំនងជាថៃ ជាអ្នកធ្វើអោយមានការផ្ទុះនៅស្ថានីយប្រេងឥន្ធនៈមួយកន្លែង ជាពិសេសចំម៉ាត 7-Eleven Bombing ដែលមានចម្ងាយពីព្រំដែនកម្ពុជា-ថៃ ដល់ទៅ១២៤គីឡូម៉ែត្រ ហើយចោទថាខ្លួនរងផលប៉ះពាល់ពីអាវុធប្រភេទ BM-21 ដែលកម្ពុជាមាន។
សូមចុចទីនេះ ដើម្បីទស្សនាវីដេអូ ផ្ទុះ…
អ្នកខ្លះបានបញ្ជាក់ហេតុផលថា ប្រភេទអាវុធ BM-21 ដែលកម្ពុជា មានដោយយោងទៅតាមរូបភាព ឬវីដេអូ ដែលបែកធ្លាយតាមបណ្តាញសង្គមកន្លងមក ជាប្រភេទអាវុធ វ័យចំណាស់ដែលសល់ពីសម័យសហភាពសូវៀត ហើយឥទ្ធិពលនៃអាវុធនេះ អាចបាញ់ដល់ចម្ងាយប្រមាណចន្លោះ ៣០ ទៅ ៤០ គីឡូម៉ែត្រ ប៉ុណ្ណោះ ពីកន្លែងឈរជើង។
ចំណែកអ្នកខ្លះវិញ បានដាក់ការសង្ស័យពីការពង្រីកជម្លោះឱ្យកាន់តែធំរបស់ភាគី ថៃ ដោយវាយប្រហារទៅលើមូលដ្ឋានជនស៊ីវិល ផ្ទៃក្នុងខ្លួនឯង ដើម្បីទាក់ទាញប្រជាប្រិយភាព ឬ បង្កើនជាតិនិយម ឱ្យពលរដ្ឋថៃ ខ្លួនឯងជួយគាំទ្រដល់ការវាយប្រហារមកលើកម្ពុជា។
ដោយឡែកបើតាមវីដេអូមួយចំនួនដែលបង្ហោះដោយអ្នកសារព័ត៌មានថៃ បានឱ្យឃើញថាមានពលរដ្ឋខ្លះជេរ ឬ បង្ហាញការមិនពេញចិត្តចំពោះការឈ្លានពានរបស់ថ្នាក់ដឹកនាំខ្លួន មកកាន់កម្ពុជា នោះទេ ព្រោះមានផលប៉ះពាល់ដល់សេដ្ឋកិច្ច ជីវភាពរស់នៅ និងបញ្ហាសង្គមផ្សេងៗទៀត។
ម៉្យាងទៀតបើតាមសារព័ត៌មាន Khaosod និង BangkokPost បានបង្ហាញពីទិន្នន័យកងទ័ព ចំនួនសព្វាវុធ និងព័ត៌មានផ្នែកកងទ័ពមួយចំនួន ឱ្យឃើញពីកម្លាំងរបស់ភាគីថៃ ហាក់ធំជាងប្រទេសកម្ពុជា។ ទាំងនេះបានបង្កើតចម្ងល់ដល់សហគមន៍អន្តរជាតិ ថាហេតុអ្វីបានជាថៃ ចូលមកឈ្លានពានកម្ពុជា? ទាំងថៃ កំពុងតែមានបញ្ហាគ្រប់ជំពូកនៅចំពោះមុខ មានបញ្ហាព្រំដែន ជាមួយអ្នកជិតខាងផង បញ្ហានយោបាយផ្ទៃក្នុងផង និងគ្រោះធម្មជាតិផង។
នៅភាគខាងត្បូង ថៃខ្លួនឯងផ្ទាល់កំពុងមានសង្គ្រាមរ៉ាំរ៉ៃនៅភាគខាងត្បូងជាង២០ឆ្នាំ ដែលមានមនុស្សស្លាប់ជិត៨០០០នាក់ និងអ្នករបួសជិត១ម៉ឺន៥ពាន់នាក់។ សង្រ្គាមនេះនៅមិនទាន់មានថ្នាក់ដឹកនាំថៃ រូបណាអាចបញ្ហាបាននោះទេ តាំងពីផ្ទុះឡើងក្នុងឆ្នាំ២០០៤ មកក្នុងរជ្ជកាលលោក Thaksin Shinawatra ជានាយករដ្ឋមន្ត្រី។
ដោយឡែកប្រទេសមីយ៉ាន់ម៉ា ដែលជាអ្នកជិតខាងភាគខាងលិចរបស់ថៃ កំពុងតែមានសង្គ្រាមផ្ទៃក្នុង ហើយបញ្ហាគ្រឿងញៀន Scam Online និងចរន្តឆ្លងដែនរបស់ជនស៊ីវិល ក៏ច្រើន ដែលថៃ ត្រូវដោះស្រាយ។ ម៉្យាងការច្បាំងគ្នារវាងរដ្ឋនានាតាមព្រំដែន ជាមួយរដ្ឋាភិបាលមីយ៉ាន់ម៉ា មានពេលខ្លះធ្លាយដល់ទឹកដីរបស់ថៃ ដោយរកអ្នកចេញមុខមកដោះស្រាយជាមួយមកឃើញផង។ ថៃ ត្រូវដាក់កម្លាំងយាមកាមលើផ្ទៃខ្សែក្រវ៉ាត់ព្រំដែន ជាប្រចាំមិនបានសម្រាកបានស្រួល ព្រោះបញ្ហាព្រំដែនចាស់មិនទាន់ដាច់ស្រេចផង។
ងាកទៅព្រំដែនជាប់ជាមួយឡាវ វិញ ថៃ កំពុងតែឈឺក្បាលរឿង Scam Online និងបញ្ហាថ្នាំញៀន ជាប្រចាំ ដែលបញ្ហាភូមិសាស្រ្ត បានរាំងស្ទះដល់ការសហការបង្ក្រាបរវាងប្រទេសទាំង២ ខណៈបញ្ហាព្រំដែនចាស់រវាងភាគីទាំងសងខាងមិនទាន់ដាច់ស្រេចផងដែរ។
សម្រាប់រដូវវស្សានេះ ភូមិសាស្រ្តរបស់ប្រទេសថៃ កំពុងតែជួបបញ្ហាប្រឈមលើខ្យល់ព្យុះ ទឹកជំនន់ និងបាក់ដី នៅតំបន់មួយចំនួនភាគខាងជើង។ បញ្ហាប្រឈមទាំងនេះ ធ្វើឱ្យអាជ្ញាធរមូលដ្ឋានរបស់ថៃ ឈឺក្បាលត្រូវដោះស្រាយចំពោះមុខ ពីលើបញ្ហាប្រចាំថ្ងៃដែលកើតមានស្រាប់។
ក្នុងការឈ្លានពានមកលើប្រទេសកម្ពុជា ប៉ុន្មានថ្ងៃមកនេះ ថៃ បានធ្វើខុសលើបទដ្ឋានអន្តរជាតិមួយចំនួនដូចជា៖
* វាយប្រហារមកលើប្រាសាទព្រះវិហារ ដែលជាបេតិកភណ្ឌពិភពលោក
* វាយប្រហារមកលើទីសក្ការបូជាដូចជាវត្តអារាម និងផ្សារ(ផ្សារស្រអែមនិងក្រុងសំរោង) និងភូមិដ្ឋានជនស៊ីវិល
* ប្រើប្រាស់គ្រាប់បែកចង្កោម និងឧស្ម័នគីមីពុល
* ពង្រីកតំបន់ជម្លោះ
* បញ្ហារួមផ្សំមួយចំនួនទៀត
តើថៃ ជាប្រទេសប្រភេទណា ដែលមិនអាចសន្សំសុខជាមួយប្រទេសជិតខាងបាន តាំងពីបូរាណកាល ដល់បច្ចុប្បន្ន?
