រថយន្ដដឹកកម្មករ កម្មការិនីរោងចក្រមួយគ្រឿងគេចម៉ូតូ រេចង្កូតធ្លាក់ចូលត្រពាំងទឹកជាប់ខាងជើងផ្លូវលំភូមិអង្គរោង ឃុំមហាឬស្សី ស្រុកគងពិសី ខេត្តកំពង់ស្ពឺ កាលពីវេលាម៉ោង ៦:៤០នាទីព្រឹក ថ្ងៃទី៧ ខែសីហា ឆ្នាំ២០២៥នេះ។
រថយន្ដខាងលើម៉ាក HYUNDAY PORTER ពាក់ផ្លាកលេខកំពង់ឆ្នាំង 2A 0970 បើកបរដោយឈ្មោះ ម៉ី គឹមហួ អាយុ ៣២ឆ្នាំ រស់នៅភូមិសុក្រំ ឃុំអូសារាយណ៍ ស្រុកត្រាំកក់ ខេត្តតាកែវ។
តាមការបញ្ជាក់ពីនគរបាល បានអោយដឹងថា រថយន្តដឹកកម្មករ បានធ្វេីដំណេីរចេញពីភូមិសុក្រុំ ឃុំអូសារាយ ស្រុកត្រាំកក់ ខេត្តតាកែវ ដេីម្បីដឹកកម្មករមកធ្វើការនៅរោងចក្រ តារ៉ាល់ ស្ថិតនៅភូមិត្រពាំងមាន ឃុំស្មំក្រពើ ស្រុកគងពិសី ខេត្តកំពង់ស្ពឺ ពេលមកដល់ចំណុចខាងលើរថយន្ដ បានគេចម៉ូតូមួយគ្រឿង រួចបណ្ដាលអោយរថយន្ដរេចង្កូត ធ្លាក់ចូលត្រពាំងទឹកតែម្ដង រថយន្តមានផ្ទុកកម្មកររោងចក្រ សរុបចំនួន ៣៨នាក់ ក្នុងនោះមានបុរស ១៣នាក់ ។
ក្នុងហេតុការណ៍នោះដែរបណ្ដាលរងរបួសធ្ងន់ កម្មករចំនួន១នាក់ កម្មករផ្សេងទៀត (របួសស្រាល) ឈ្មោះ ណេង វណ្ណៈ ភេទប្រុស អាយុ១៨ឆ្នាំ រស់នៅភូមិសុក្រុំ ឃុំអូសារាយណ៍ ស្រុកត្រាំកក់ ខេត្តតាកែវ បានបញ្ជូនទៅព្យាបាលរបួសនៅពេទ្យឯកជនក្បែរកន្លែងកើតហេតុ រីឯអ្នកផេ្សងទៀត បានវិលត្រឡប់ទៅផ្ទះវិញ ដោយបានការសម្របសម្រួលការងារជាមួយរដ្ឋបាលរោងចក្រ ពីអាជ្ញាធរមូលដ្ឋាន។
ចំពោះអ្នកបើកបររថយន្ថសមត្ថកិច្ចបានហៅមកសាកសួរនៅអធិការដ្ឋាននគរបាលស្រុកគងពិសី ដេីម្បីទទួលខុសត្រូវលេីករណីដឹកជញ្ជូនកម្មករ ក្នុងនាមជាអ្នកទទួលសេវាដឹកជញ្ជូន៕
អត្ថបទ៖ ចតុម្មុខ
