នៅថ្ងៃទី ៧ ខែសីហា ឆ្នាំ ២០២៥ រោងចក្រផលិតថង់វេចខ្ចប់អាហារកែច្នៃមួយកន្លែង ត្រូវបានអគ្គិភ័យឆាបឆេះយ៉ាងសន្ធោសន្ធៅ នៅក្នុងតំបន់ ណងឈុំផុន ស្រុកខៅយៃ ខេត្ត ផេតប៊ុរី ប្រទេសថៃ។
នៅក្នុងរោងចក្រមានវត្ថុងាយឆេះដូចជា ជ័រប្លាស្ទីក និងបន្ទប់ផ្ទុកសារធាតុគីមីជាច្រើនប្រភេទ។
បើតាមប៉ូលិសក្នុងតំបន់បញ្ជាក់ថា បានប្រើប្រាស់រថយន្តពន្លត់អគ្គិភ័យ ដើម្បីបាញ់ទឹកពន្លត់ទប់ស្កាត់មិនឱ្យឆេះរីករាលដាល ជាពិសេសសារធាតុគីមីដែលមានប្រតិកម្មទៅជាផ្សែងពុលដ៏គ្រោះថ្នាក់។
ចំពោះមូលហេតុនៃការបង្កអគ្គិភ័យកំពុងស្ថិតក្រោមការស៊ើបអង្កេតពីមន្ត្រីជំនាញនៅឡើយ៕
