ក្រុមបាល់ទាត់ Manila Digger FC របស់ហ្វីលីពីន ជាក្រុមដែលចូលមកបំពេញ ៨ក្រុមវគ្គចែកពូល AFC Challenge League ឆ្នាំ២០២៥-២៦ បន្ទាប់ពីចាញ់ក្រុមបាល់ទាត់ Persib Bandung របស់ឥណ្ឌូណេស៊ី ក្នុងលទ្ធផល ២-១ ពានរង្វាន់ AFC Champions League Two 2025-26។
ខណ:ក្រុមបាល់ទាត់ភ្នំពេញក្រោន របស់កម្ពុជា ឡើងទៅវគ្គចែកពូលនៃពានរង្វាន់បាល់ទាត់ប្រចាំទ្វីបកម្រិតទី៣ AFC Challenge League ឆ្នាំ២០២៥-២៦ ក្រោយយកឈ្នះលើក្រុមបាល់ទាត់ របស់ប៊្រុយណេ Kasuka FC ដោយលទ្ធផល ៦-០ ក្នុងវគ្គជម្រុះ Play Off នៅរាត្រីថ្ងៃទី១២ ខែសីហា ឆ្នាំ២០២៥ ក្នុងកីឡដ្ឋាន 𝐇𝐚𝐬𝐬𝐚𝐧𝐚𝐥 𝐁𝐨𝐥𝐤𝐢𝐚𝐡 ប្រទេសប៊្រុយណេ។
ស្របពេលដែលព្រះខ័នរាជស្វាយរៀង ម្ចាស់ជើងឯកលីគកំពូលកម្ពុជា Cambodian Premier League រដូវកាល ២០២៤-២៥ ឡើងទៅវគ្គពូល AFC Challenge League រដូវកាល ២០២៥-២៦ ដោយស្វ័យប្រវត្តិ។
បច្ចុប្បន្ន ៨ក្រុមឡើងទៅវគ្គចែកពូល ចែកចេញជា ៤Pot រួមមានដូចជា៖
Pot 1
- Manila Digger FC របស់ហ្វីលីពីន
- Dewa United របស់ឥណ្ឌូណេស៊ី
Pot 2
- ព្រះខ័នរាជស្វាយរៀង របស់កម្ពុជា
- Shan United របស់មីយ៉ាន់ម៉ា
Pot 3
- Tainan City FC របស់តៃវ៉ាន់
- SP Falcons របស់ម៉ុងហ្គោលី
Pot 4
- Ezra FC របស់ឡាវ
- ភ្នំពេញក្រោន របស់កម្ពុជា
គួរបញ្ជាក់ថា សម្រាប់ការចាប់ឆ្នោតវគ្គចែកពូល AFC Challenge League ឆ្នាំ២០២៥-២៦ នឹងធ្វើឡើងនៅថ្ងៃទី២៨ ខែសីហា ឆ្នាំ២០២៥ ខាងមុខនេះ។ ស្របពេលការប្រកួត ចាប់ផ្ដើមនៅថ្ងៃទី២៥ តុលា នៅតំបន់ខាងលិច និងថ្ងៃទី២៦ តុលា នៅតំបន់ខាងកើត ខណ:វគ្គផ្ដាច់ព្រ័ត្រ នឹងធ្វើឡើងនៅថ្ងៃទី៩ ខែឧសភា ឆ្នាំ២០២៦៕
