លោក Dejphon Chansiri សញ្ជាតិថៃ កំពុងជួបវិបត្តិហិរញ្ញវត្ថុយ៉ាងធ្ងន់ធ្ងរ ក្រោយលោកត្រូវបានរកឃើញថាក្លិបមិនបានបើកប្រាក់បៀវត្សន៍ដល់កីឡាករ ក្រុមគ្រូបង្វឹក និងមន្រ្តីបុគ្គលិកក្លិបជាច្រើនខែ កន្លងមក។
កាលពីថ្ងៃទី១៧ ខែសីហា ឆ្នាំ២០២៥ កន្លងទៅ អ្នកគាំទ្រជាច្រើនអ្នកក្លិបរបស់ក្លិបបាល់ទាត់ Sheffield Wednesday សមាជិកលីគទី២របស់ប្រទេសអង់គ្លេស បាននាំគ្នាធ្វើបាតុកម្មប្រឆាំង និងដេញម្ចាស់ក្លិបសញ្ជាតិថៃ ចេញពីតំណែងជាម្ចាស់ក្លិបគឺលោក Dejphon Chansiri ដោយសារវិបត្តិហិរញ្ញវត្ថុរបស់ក្លិប ។
គោលដៅរបស់អ្នកគាំទ្ររបស់ក្រុមបាល់ទាត់ Sheffield Wednesday គឺចង់ផ្លាស់ប្តូរទិសដៅរបស់ក្លិបដែលមានលោក Dejphon Chansiri ជនជាតិថៃ កំពុងឈរជើងជាម្ចាស់ក្លិបចាក់ចេញនិងបង្ខំឱ្យម្ចាស់ក្លិបលក់ក្លិបចេញស្វែងរកម្ចាស់ថ្មី។
ក្នុងកំឡុងពេលដែលអ្នកគាំទ្របានធ្វើ បាតុកម្ម ពួកគេបានរៀបចំជារូបមឈូសដែលតំណាងឱ្យ ការជិតដល់ទីបញ្ចប់របស់ក្លិប បន្ទាប់ពីម្ចាស់ក្លិរូបនេះបានពន្យារពេលបើកប្រាក់បៀវត្សន៍ដល់កីឡាករ ក្រុមគ្រូបង្វឹក និងមន្រ្តីបុគ្គលិកក្លិបជាច្រើនខែ កន្លងមក។
លើសពីនេះ វិបត្តិមួយនេះក៏បានរុញច្រានឱ្យក្លិបជាប់បម្រាមក្នុងការដោះដូរកីឡាករ (Transfer Ban) ថែមទៀតផងដោយសារហិរញ្ញវត្ថុមិនស្ថិតស្ថេរ នេះបើយោងតាមការចេញផ្សាយដោយ JTV News ។
សូមជម្រាបថាបច្ចុប្បន្ននេះក្លិបបាល់ទាត់ Sheffield Wednesday FC កំពុងស្ថិតនៅលីគទី២របស់ប្រទេសអង់គ្លេស EFL Championship ដោយពីរប្រកួតដំបូងរដូវកាលថ្មីឆ្នាំ២០២៥-២៦ ចាញ់ទាំងប្រកួតឈរនៅចំណាត់ថ្នាក់លេខ២៤ ក្នុងចំណោមក្លិបចំនួន២៤៕
