ក្លិបបាល់ទះវិសាខា (តំណាងកម្ពុជា) ទទួលបានត្រឹមចំណាត់ថ្នាក់លេខ៤ ក្រោយចាញ់ក្រុម The Cong-Tan Cang របស់វៀតណាម វគ្គដណ្ដើមចំណាត់ថ្នាក់លេខ៣ នៃការប្រកួតពានរង្វាន់ International Police Volleyball Tournament ២០២៥ នៅប្រទេសវៀតណាម។
ក្នុងការចូលរួមប្រកួតពានបាល់ទះប៉ូលីស ឆ្នាំ២០២៥ នៅវៀតណាម នេះក្លិបបាល់ទះវិសាខា (តំណាងកម្ពុជា) ស្ថិតនៅពូល A ជាមួយក្រុម The Cong-Tan Cang របស់វៀតណាម និងក្រុម Lao Ministry of Public Security របស់ឡាវ។
ជាលទ្ធផលឆ្លងកាត់ ២ប្រកួតក្នុងពូល ក្លិបបាល់ទះវិសាខា (តំណាងកម្ពុជា) ឈ្នះទាំង ២ប្រកួត ឈ្នះក្រុម The Cong-Tan Cang របស់វៀតណាម ៣-១ និងបន្តឈ្នះក្រុម Lao Ministry of Public Security របស់ឡាវ ៣-០ ឈរកំពូលតារាង។
ឡើងមកកាន់វគ្គពាក់កណ្ដាលផ្ដាច់ព្រ័ត្រ ក្លិបបាល់ទះវិសាខា (តំណាងកម្ពុជា) បានបរាជ័យក្រោយថ្វៃដៃក្រុមរបស់វៀតណាម គឺ Vietnam People’s Police ក្នុងលទ្ធផល ៣-២។ ឈានដល់វគ្គដណ្ដើមចំណាត់ថ្នាក់លេខ៣ ក្លិបបាល់ទះវិសាខា (តំណាងកម្ពុជា) បានចាញ់ក្រុម The Cong-Tan Cang របស់វើតណាម បានត្រឹមលេខ៤។
គួរបញ្ជាក់ថា សម្រាប់ការប្រកួតពានរង្វាន់ International Police Volleyball Tournament ២០២៥ ពានរង្វាន់នេះ មាន ៤ប្រទេសចូលរួម (កម្ពុជា ឥណ្ឌូនេស៊ី ឡាវ និងវៀតណាម) ដែលចាប់ផ្តើមប្រកួតពីថ្ងៃទី ២៦ នឹងបញ្ចប់នៅថ្ងៃទី ៣០ ខែសីហា ឆ្នាំ២០២៥ នៅកីឡដ្ឋាន Military Zone 7 Indoor Stadium ប្រទេសវៀតណាម៕
