ក្រុមបាល់ទះនារីខ្លាំង ៤រួមមាន ជប៉ុន តួកគី អ៊ីតាលី និងប្រេស៊ីល ឡើងវគ្គពាក់កណ្ដាលផ្ដាច់ព្រ័ត្រ ក្នុងព្រឹត្តិការណ៍ប្រកួតពានរង្វាន់បាល់ទះផ្នែកនារីជើងឯកពិភពលោក 2025 FIVB Volleyball Women’s World Championship។
ការប្រកួតវគ្គពាក់កណ្ដាលផ្ដាច់ព្រ័ត្រ នៅថ្ងៃទី៦ កញ្ញា ២០២៥៖
- ជប៉ុន ប្រកួតជាមួយ តួកគី ម៉ោង ៤:៣០នាទីរសៀល
- អ៊ីតាលី ប្រកួតជាមួយ ប្រេស៊ីល ម៉ោង ៨:៣០នាទីរសៀល
ព្រឹត្តិការណ៍ប្រកួតពានរង្វាន់បាល់ទះផ្នែកនារីជើងឯកកម្រិតពិភពលោក FIVB Volleyball Women’s World Championship ឆ្នាំ២០២៥ ដែលថៃធ្វើជាម្ចាស់ផ្ទះ ដោយការប្រកួតប្រព្រឹត្តិទៅចាប់ពីថ្ងៃទី២២ ខែសីហា នឹងបញ្ចប់នៅថ្ងៃទី៧ ខែកញ្ញា ឆ្នាំ២០២៥។
រំលឹកថា សម្រាប់ជើងឯកពានរង្វាន់បាល់ទះផ្នែកនារីជើងឯកពិភពលោក ឆ្នាំ២០២២ ដែលសហការរៀបចំរវាង ២ប្រទេស ហូឡង់ និងប៉ូឡូញ បានទៅលើក្រុមនារីជម្រើសជាតិស៊ែប៊ី ក្រោយយកឈ្នះប្រេស៊ីល ៣-០ នៅវគ្គផ្ដាច់ព្រ័ត្រ និងចំណាត់ថ្នាក់លេខ៣ បានទៅលើកអ៊ីតាលី លេខ៤ សហរដ្ឋអាមេរិក។
គួរបញ្ជាក់ថា ព្រឹត្តិការណ៍ប្រកួតពានរង្វាន់បាល់ទះផ្នែកនារីជើងឯកកម្រិតពិភពលោក FIVB Volleyball Women’s World Championship ត្រូវបានរៀបចំឡើងដំបូងនៅឆ្នាំ១៩៥២ ដោយធ្វើឡើងចំនួន ៤ឆ្នាំម្ដង ដោយសហភាពសូវៀត ធ្លាប់ឈ្នះមេដាយមាសចំនួន ៥លើក ជប៉ុន និងគុយបា ចំនួន ៣លើក ចិន រុស្សី និងស៊ែប៊ី ចំនួន ២លើក អាមេរិក និងអ៊ីតាលី ចំនួន ១លើក៕
