ក្រុមបាល់ទះនារីជម្រើសជាតិអ៊ីតាលី ឈ្នះជើងឯកជាលើកទី២ ក្នុងព្រឹត្តិការណ៍ប្រកួតពានរង្វាន់បាល់ទះផ្នែកនារីជើងឯកពិភពលោក 2025 FIVB Volleyball Women’s World Championship បន្ទាប់ពីយកឈ្នះក្រុមនារីតួកគី ដោយលទ្ធផល ៣-២ នៅវគ្គផ្ដាច់ព្រ័ត្រ កាលពីថ្ងៃទី៧ ខែកញ្ញា ឆ្នាំ២០២៥។
សម្រាប់ជ័យជម្នះក្រុមនារីជម្រើសជាតិអ៊ីតាលី គឺជាលើកទី២ របស់ខ្លួនបន្ទាប់ពីឈ្នះលើកទី១ កាលពីឆ្នាំ២០០២ ដោយកាលនេះបានយកឈ្នះក្រុមនារីអាមេរិក ក្នុងលទ្ធផល ៣-២ នៅវគ្គផ្ដាច់ព្រ័ត្រ ក្នុងទឺកដីប្រទេសអាល្លឺម៉ង់។
ចំណាត់ថ្នាក់លេខ១ ដល់លេខ៤ រួមមាន៖
- ម្ចាស់ជើងឯក៖ ក្រុមនារីអ៊ីតាលី
- ជើងឯករង៖ ក្រុមនារីតួកគី
- លេខ៣៖ ក្រុមនារីប្រេស៊ីល
- លេខ៤៖ ក្រុមនារីជប៉ុន
ព្រឹត្តិការណ៍ប្រកួតពានរង្វាន់បាល់ទះផ្នែកនារីជើងឯកកម្រិតពិភពលោក FIVB Volleyball Women’s World Championship ឆ្នាំ២០២៥ ដែលថៃធ្វើជាម្ចាស់ផ្ទះ ដោយការប្រកួតប្រព្រឹត្តិទៅចាប់ពីថ្ងៃទី២២ ខែសីហា នឹងបញ្ចប់នៅថ្ងៃទី៧ ខែកញ្ញា ឆ្នាំ២០២៥។
រំលឹកថា សម្រាប់ជើងឯកពានរង្វាន់បាល់ទះផ្នែកនារីជើងឯកពិភពលោក ឆ្នាំ២០២២ ដែលសហការរៀបចំរវាង ២ប្រទេស ហូឡង់ និងប៉ូឡូញ បានទៅលើក្រុមនារីជម្រើសជាតិស៊ែប៊ី ក្រោយយកឈ្នះប្រេស៊ីល ៣-០ នៅវគ្គផ្ដាច់ព្រ័ត្រ និងចំណាត់ថ្នាក់លេខ៣ បានទៅលើកអ៊ីតាលី លេខ៤ សហរដ្ឋអាមេរិក។
គួរបញ្ជាក់ថា ព្រឹត្តិការណ៍ប្រកួតពានរង្វាន់បាល់ទះផ្នែកនារីជើងឯកកម្រិតពិភពលោក FIVB Volleyball Women’s World Championship ត្រូវបានរៀបចំឡើងដំបូងនៅឆ្នាំ១៩៥២ ដោយធ្វើឡើងចំនួន ៤ឆ្នាំម្ដង ដោយសហភាពសូវៀត ធ្លាប់ឈ្នះមេដាយមាសចំនួន ៥លើក ជប៉ុន និងគុយបា ចំនួន ៣លើក ចិន រុស្សី ស៊ែប៊ី និងអ៊ីតាលី ចំនួន ២លើក អាមេរិក ចំនួន ១លើក៕
ម្ចាស់ពានឯកត្តជនរួមមានដូចខាងក្រោម៖
