ក្ដៅៗពីថៃ៖ ទំនប់វារីអគ្គីសនី ៩កន្លែងនៅថៃផ្ទុកទឹកលើសចំណុះ ប្រកាសអាសន្ន ត្រៀមបង្ហូរទឹកចេញ ដែលអាចបង្កជាទឹកជំនន់ទ្រង់ទ្រាយធំ

យោងតាមសារព័ត៌មាន The Nation បានផ្សាយនៅព្រឹកថ្ងៃទី៨ ខែកញ្ញា ឆ្នាំ២០២៥ នេះមានសេចក្ដីប្រកាសថា ទំនប់វារីអគ្គិសនីផ្ទុកទឹកហួសចំណុះ ធ្វើឲ្យមានការប្រកាសអាសន្នអំពីទឹកជំនន់ភ្លាមៗ ព្រោះទំនប់សំខាន់ៗចំនួនប្រាំបួន ជាពិសេសនៅភាគខាងជើង និងភាគឦសាន បានលើសពីសមត្ថភាពផ្ទុកអតិបរមារបស់ពួកវា ដែលជំរុញឲ្យមន្ត្រីចេញការព្រមានអំពីទឹកជំនន់ភ្លាមៗ។
ការិយាល័យធនធានទឹកជាតិ (ONWR) បានចេញការប្រកាសអាសន្នទឹកជំនន់ទូទាំងប្រទេស បន្ទាប់ពីទទួលបានរាយការណ៍ថា ទំនប់ធំៗចំនួនប្រាំបួន របស់ប្រទេសថៃបច្ចុប្បន្នកំពុងផ្ទុកទឹកច្រើនជាងសមត្ថភាពអតិបរមារបស់ពួកវាហើយ។

ទំនប់ដែលហៀរហូរភាគច្រើនប្រមូលផ្តុំនៅក្នុងតំបន់ភាគខាងជើង និងភាគឦសាន បានបង្កើនក្តីបារម្ភអំពីការហៀរហូរសក្តានុពល និងទឹកជំនន់រីករាលដាលទ្រង់ទ្រាយធំលិចលង់ប្រទេសថៃ។

យោងតាមរបាយការណ៍របស់ ONWR ដដែល កាលពីថ្ងៃអាទិត្យ ទី៧ ខែកញ្ញា បរិមាណទឹកសរុបក្នុងទំនប់វារីអគ្គិសនីទាំងអស់របស់ប្រទេសថៃមានចំនួន 57.859 ពាន់លានម៉ែត្រគូប ដែលតំណាងឲ្យ 72% នៃសមត្ថភាពសរុបរួមបញ្ចូលគ្នា។

ក្នុងចំណោមនេះ ប្រហែល 33.737 ពាន់លានម៉ែត្រគូប ឬ 58% នៃសមត្ថភាពត្រូវបានចាត់ទុកថាអាចប្រើប្រាស់បាន។ ទំនប់សំខាន់ៗចំនួនប្រាំបួន ដែលស្ថិតក្រោមការឃ្លាំមើលពិសេសដោយសារតែមានសមត្ថភាពផ្ទុកលើសចំណុះ
នៅតំបន់ភាគខាងជើងរួមមាន៖ ទំនប់ Mae Mok, ទំនប់ Sirikit និងទំនប់ Kwae Noi Bamrung Daen ភាគឦសានរួមមាន៖ ទំនប់ Huai Luang, ទំនប់ Nam Phung, ទំនប់ Nam Oun, ទំនប់ Chulabhorn និងទំនប់ Ubol Ratana និង តំបន់ភាគខាងកើតមានមួយកន្លែងដែរគឺ៖ ទំនប់ Bang Phra។

ប្រភព៖ The Nation Thailand