បញ្ជប់បេសកម្ម ក្នុងវគ្គជម្រុះពានរង្វាន់ AFC Futsal Asian Cup 2026 Qualifiers នៅប្រទេសតាជីគីស្ថាន ក្រុមជម្រើសជាតិហ្វូតសាលកម្ពុជា បានត្រឹមចំណាត់ថ្នាក់លេខ៣ ក្នុងពូល C ជាមួយ ជប៉ុន តាជីគីស្ថាន និងម៉ាកាវ មិនបានឡើងទៅកាន់វគ្គបន្ត។
យ៉ាងណាក្រុមជម្រើសជាតិហ្វូតសាលកម្ពុជា ក៏បានសាងប្រវត្តិសាស្រ្តថ្មីដោយបានយកឈ្នះលើកម៉ាកាវ ដោយលទ្ធផល ១១ទល់និង២ ដែលជាជ័យជម្នះច្រើនមិនធ្លាប់មាន។ ឆ្លងកាត់ ៣ប្រកួតក្នុងពូលរួមមាន៖ ចាញ់ជប៉ុន ៥-០ ចាញ់តាជីគីស្ថាន ៧-១ និងឈ្នះម៉ាកាវ ១១-២។
គិតត្រឹម ៨ប្រកួតចុងក្រោយឆ្នាំ២០២៥ ដែលក្រុមជម្រើសជាតិហ្វូតសាលកម្ពុជា បានចូលរួមប្រកួតលើឆាកអន្តរជាតិ នេះគឺជាជ័យជម្នះលើកដំបូងរបស់កម្ពុជា និងឈ្នះច្រើនគ្រាប់លើកក្រុមម៉ាកាវ។
វគ្គជម្រុះពានរង្វាន់ AFC Futsal Asian Cup 2026 Qualifiers មាន ៣១ប្រទេសចូលរួម ដើម្បីស្វែងរកក្រុមខ្លាំងក្នុងពូលនិមួយៗ ទាំង ៨ពូល ឡើងទៅកាន់ជុំផ្ដាច់ព្រ័ត ដែលក្រោងនឹងធ្វ់ឡើងនៅទឹកដីប្រទេសឥណ្ឌូណេស៊ី ចាប់ពីថ្ងៃទី២៧ ខែមករា រហូតដល់ថ្ងៃទី៧ ខែកុម្ភ: ឆ្នាំ២០២៦។
គួរបញ្ជាក់ថា ពានរង្វាន់ AFC Futsal Asian Cup បង្កើតឡើងដំបូងនៅឆ្នាំ១៩៩៩ ធ្វើឡើងជារៀងរាល់ឆ្នាំ ខណ:ក្រុមដែលបានឈ្នះជើងឯកច្រើនជាងគេ គឺ អ៊ីរ៉ង់ ចំនួន ១៣លើក (១៩៩៩, ២០០០, ២០០១*, ២០០២, ២០០៣*, ២០០៤, ២០០៥, ២០០៧, ២០០៨, ២០១០, ២០១៦, ២០១៨, ២០២៤) ស្របពេលជប៉ុន ឈ្នះ ៤លើក (២០០៦, ២០១២, ១០១៤, ២០២២)៕
