ក្រោយចញ្ចប់ការប្រកួតវគ្គជម្រុះក្នុងពូលនៃពានរង្វាន់បាល់ទាត់ក្នុងសាលប្រចាំទ្វីបអាស៊ី AFC Futsal Asian Cup 2026 Qualifiers កាលពីថ្ងៃទី២៤ ខែកញ្ញា ឆ្នាំ២០២៥ កន្លងទៅឃើញថា មានក្រុមនៅក្នុងតំបន់អាស៊ាន ចំនួន៤ បានកក់កៅអីឡើងទៅជុំផ្តាច់ព្រ័ត្រ ឆ្នាំ២០២៦ ខាងមុខ។
នេះជាក្រុមចំនួន ៤នៅក្នុងតំបន់អាស៊ាន ដែលកក់កៅអីឡើងទៅជុំផ្តាច់ព្រ័ត្រ ឆ្នាំ២០២៦
- ទី១ ក្រុមជម្រើសជាតិឥណ្ឌូណេស៊ី (ម្ចាស់ផ្ទះ)
- ទី២ ក្រុមជម្រើសជាតិថៃ
- ទី៣ ក្រុមជម្រើសជាតិវៀតណាម
- ទី៤ ក្រុមជម្រើសជាតិម៉ាឡេស៊ី
សម្រាប់បាល់ទាត់ក្នុងសាលកម្ពុជា ក៏មានឈ្មោះឡើងទៅប្រកួតវគ្គជម្រុះដែល ប៉ុន្តែមិនអាចដណ្តើមកៅអីឡើងទៅជុំបន្តបាន ក្រោយឆ្លងកាត់៣ប្រកួត ឈ្នះ១ និងចាញ់២ មាន៣ពិន្ទុ ឈរនៅចំណាត់ថ្នាក់លេខ៣ ក្នុងពូល C ខណៈក្រុមខ្លាំងជប៉ុន និងម្ចាស់ផ្ទះតាជីគីស្ថាន មានឈ្មោះឡើងទៅជុំបន្ទាប់។
អត្ថបទពាក់ព័ន្ធ៖ https://troryorng.com/article/306006.html
សូមបន្ថែមថា ចំពោះការប្រកួតវគ្គជម្រុះក្នុងពូលកន្លងទៅ គឺស្វែងរកក្រុមខ្លាំងក្នុងពូលនិមួយៗ ទាំង៨ពូល ដើម្បីឡើងទៅកាន់ជុំផ្ដាច់ព្រ័ត ខណៈការប្រកួតនឹងធ្វើឡើងនៅទឹកដីនៃប្រទេសឥណ្ឌូណេស៊ី ចាប់ពីថ្ងៃទី២៧ ខែមករា រហូតដល់ថ្ងៃទី៧ ខែកុម្ភ: ឆ្នាំ២០២៦។
ពានរង្វាន់ AFC Futsal Asian Cup បង្កើតឡើងដំបូងនៅឆ្នាំ១៩៩៩ ធ្វើឡើងជារៀងរាល់ឆ្នាំ ខណ:ក្រុមដែលបានឈ្នះជើងឯកច្រើនជាងគេ គឺ អ៊ីរ៉ង់ ចំនួន ១៣លើក (១៩៩៩, ២០០០, ២០០១*, ២០០២, ២០០៣*, ២០០៤, ២០០៥, ២០០៧, ២០០៨, ២០១០, ២០១៦, ២០១៨, ២០២៤) ស្របពេលជប៉ុន ឈ្នះ ៤លើក (២០០៦, ២០១២, ១០១៤, ២០២២)៕
