ក្រុមបាល់ទះជម្រើសជាតិអ៊ីតាលី យកឈ្នះ ប៊ុលហ្គារី ៣-១ (២៥–២១, ២៥–១៧, ១៧–២៥, ២៥–១០) ក្លាយជាម្ចាស់ជើងឯក ក្នុងព្រឹត្តិការណ៍ពានរង្វាន់បាល់ទះកម្រិតពិភពលោក FIVB Men’s Volleyball World Championship 2025 នៅប្រទេសហ្វីលីពីន។
សម្រាប់ជ័យជម្នះរបស់ក្រុមបាល់ទះជម្រើសជាតិអ៊ីតាលី គឺជាលើកទី៥ របស់ពួកគេ និងការពារជើងកបាន ២លើកជាប់គ្នា (២០២២ និង ២០២៥) ខណ:ធ្លាប់ឈ្នះ ៣លើកកន្លងមកក៏ជាគ្នាផងដែរគឺ (១៩៩០, ១៩៩៤, ១៩៩៨)។
តារាងចមណាត់ថ្នាក់ ក្រុមទាំង ៣២ ក្រោយបញ្ចប់ក្នុងព្រឹត្តិការណ៍ FIVB Men’s Volleyball World Championship 2025៖
ម្ចាស់ពានរង្វាន់ ឯកត្តជន ក្រោយបញ្ចប់ក្នុងព្រឹត្តិការណ៍ FIVB Men’s Volleyball World Championship 2025៖
- អ្នកប៉ះសេល្អបំផុត (Best Setter) បានទៅលើកីឡាករ Simone Gianelli របស់អ៊ីតាលី
- ស្មាត់ស្តាំល្អបំផុត (Best Outside Hitters) កីឡាករ Alex Nikolov របស់ប៊ុលហ្គារី និងកីឡាករ Alessandro Michieletto របស់អ៊ីតាលី
- កីឡាករល្អបំផុតប្រចាំព្រឹត្តិការណ៍ (MVP) បានទៅលើ Alessandro Michieletto របស់អ៊ីតាលី
- អ្នកបាំងកណ្តាលល្អបំផុត (Best Middle Blockers) កីឡាករ Aleks Grozdanov របស់ប៊ុលហ្គារី និងកីឡាករ Jakub Kochanowski របស់ប៉ូឡូញ
- ស្មាត់ឆ្វេងល្អបំផុត (Best Opposite) បានទៅលើកីឡាករ Yuri Romanov របស់អ៊ីតាលី
- លីប៊ើរ៉ូល្អបំផុត (Best Libero បានទៅលើកីឡាករ Fabio Balaso របស់អ៊ីតាលី
ការប្រកួតពានរង្វាន់បាល់ទះជើងឯកពិភពលោក ឆ្នាំ២០២៥ ដែលហ្វីលីពីន ធ្វើជាម្ចាស់ផ្ទះ គឺជាការប្រកួតលើកទី២១ ដោយក្រុមជម្រើសជាតិបុរសនៃសមាជិកនៃសហព័ន្ធកីឡាបាល់ទះអន្តរជាតិ (FIVB) នៅទូទាំងពិភពលោក ចំនួន ៣២ក្រុម មកពី ៥តំបន់ ចែកចេញជា ៨ពូល។ ការប្រកួតធ្វើឡើង ចាប់ពីថ្ងៃទី១២ រហូតដល់ថ្ងៃទី២៨ ខែកញ្ញា ឆ្នាំ២០២៥ ដើម្បីរកឃើញម្ចាស់ជើងឯក។
សម្រាប់ការប្រកួតពានរង្វាន់បាល់ទះ ផ្នែកនាបុរស់កម្រិតពិភពលោក ឆ្នាំ២០២៥ គឺជាលើកដំបូង ដែលនឹងត្រូវបានរៀបចំឡើងនៅប្រទេសហ្វីលីពីន ដែលគ្រោងនឹងប្រព្រឹត្តិទៅចាប់ពីថ្ងៃទី១២ រហូតដល់ថ្ងៃទី២៨ ខែកញ្ញា ឆ្នាំ២០២៥ខាងមុខ។
គួរបញ្ជាក់ថា ព្រឹត្តិការណ៍ប្រកួតពានរង្វាន់បាល់ទះផ្នែកបុរស់ពិភពលោក 2025 FIVB Volleyball Men’s World Championship ត្រូវបានរៀបចំឡើងដំបូងនៅឆ្នាំ១៩៤៩ ធ្វើឡើងចំនួន ៤ឆ្នាំម្ដង ដោយសហភាពសូវៀត ធ្លាប់ឈ្នះជើងឯកចំនួន ៦លើក អ៊ីតាលី ៥លើក ប្រេស៊ីល និងប៉ូឡូញ ៣លើក ឆេកូស្លូវ៉ាគី ២លើក អាមេរិក និងអាល្លឺម៉ង់ខាងកើត ១លើក៕
