ម្ចាស់ជើងឯកឆ្នាំចាស់ Paris Saint-Germain របស់បារាំង រកបាន៣ពិន្ទុ ក្រោយឈ្នះក្រុមអ្នកមានបុណ្យ Barcelona របស់អេស៉្បាញ ដោយលទ្ធផល ២-១ នៅកីឡដ្ឋាន Estadi Olímpic Lluís Companys ក្នុងប្រទេសអេស្ប៉ាញ ពានរង្វាន់លំដាប់ទី១ ប្រចាំទ្វីបអឺរ៉ុប UEFA Champions League រដូវកាល ២០២៥-២៦ វគ្គសន្សំពិន្ទុជុំទី២ កាលពីរាត្រីថ្ងៃទី១ ឈានចូលថ្ងៃទី២ ខែកញ្ញា។
Goncalo Ramos ម្ចាស់គ្រាប់បាល់ជ័យជម្នះរបស់ PSG ថ្លែងថា៖«ប្រសិនបើអ្នកជាក្រុមដែលល្អបំផុត អ្នកត្រូវតែបង្ហាញនៅលើទីលាន មិនមែនគ្រាន់តែនិយាយនោះទេ ឥលូវនេះពួកយើង (PSG) ជាម្ចាស់ជើងឯកនៅទ្វីបអឺរ៉ុប»។
បច្ចុប្បន្នក្រុមចំនួន៩ មិនទាន់ចាញ់សោះរួមមានដូចជា៖
- Bayern Munich ៦ពិន្ទុ
- Real Madrid ៦ពិន្ទុ
- PSG ៦ពិន្ទុ
- Inter ៦ពិន្ទុ
- Arsenal ៦ពិន្ទុ
- Qarabag ៦ពិន្ទុ
- Dortmund ៤ពិន្ទុ
- Man City ៤ពិន្ទុ
- Spurs ៤ពិន្ទុ។
តារាងចំណាត់ថ្នាក់បណ្តោះអាសន្ន៖
រូបមន្តថ្មីរបស់ UCL៖
- លេខ១ ដល់លេខ៨ ឡើងទៅវគ្គ១៦ក្រុមចុងក្រោយដោយស្វ័យប្រវត្តិ
- លេខ៩ ដល់លេខ២៤ ត្រូវប្រកួតជម្រុះយក៨ ឡើងទៅវគ្គ១៦ក្រុមចុងក្រោយ
- លេខ២៥ ដល់លេខ៣៦ ធ្លាក់ចេញពីកម្មវិធី។
ពានរង្វាន់ UEFA Champions League បង្កើតឡើងដំបូងនៅឆ្នាំ ១៩៥៥ ពោលគឺមានអាយុកាល ៦៨ឆ្នាំ ដោយ Real Madrid ឈ្នះពាននេះច្រើនជាងគេសរុប ១៥ដងទាំងលើកនេះ ខណ: AC Milan ធ្លាប់ឈ្នះបាន ៧ដង រីឯ Liverpool និង Bayern Munich ឈ្នះបាន៦លើក ខណ:ក្រុមជើងឆ្នាំចាស់គឺ PSG ឈ្នះលើកដំបូងប្រចាំប្រវត្តិសាស្រ្ត៕
