លីគកំពូលកម្ពុជា Cambodian premier league បានបញ្ចប់ការប្រកួតសប្តាហ៍ទី៦ សម្រាប់រដូវកាលឆ្នាំ២០២៥-២៦ ហើយកាលពីថ្ងៃទី៥ ខែតុលា ឆ្នាំ២០២៥ កន្លងទៅ ក្នុងនោះមានក្រុមចំនួន២ បានបន្តរក្សាកំណត់ត្រាមិនចាញ់សោះដូចគ្នា។
ចំណែកឯក្រុមភ្នំពេញក្រោន ក្រោមការដឹកនាំរបស់លោក Oleg Starynskyi គ្រូបង្វឹកសញ្ជាតិអ៊ុយក្រែន ឈរនៅចំណាត់ថ្នាក់លេខ២ ឆ្លងកាត់៦ប្រកួត ឈ្នះ៤ និងស្មើ២ មាន ១៤ពិន្ទុក្នុងដៃ។ ស្មើបឹងកេត ០-០ ស្មើកងយោធពលខេមរភូមិន្ទ ១-១ ឈ្មះឡាយ ខេត្តព្រះសីហនុ ៤-៣ ឈ្នះ MOI kompong Dewa ១-០ ឈ្នះស្វាយរៀង ៣-២ ឈ្នះគិរីវង់ ៤-១។
កងយោធពលខេមរភូមិន្ទ ក្រោមការព្រប់គ្រង់របស់លោក លោក ភា សុភក្រា គ្រូបង្វឹកសញ្ជាតិខ្មែរ ឈរនៅចំណាត់ថ្នាក់លេខ៦ ឆ្លងកាត់៦ប្រកួត ឈ្នះ២ និងស្មើ៤ មាន ១០ពិន្ទុក្នុងដៃ។ ឈ្នះវិសាខា ២-១ ស្មើណាហ្គាវើលដ៍ ១-១ ស្មើភ្នំពេញក្រោន ១-១ ស្មើបឹងកេត ១-១ ឈ្នះឡាយ ខេត្តព្រះសីហនុ ១-០ ស្មើ MOI kompong Dewa ០-០។
ការប្រកួតពានរង្វាន់លីគកំពូលកម្ពុជា Cambodian Premier Leauge រដូវកាលថ្មីឆ្នាំ ២០២៥-២៦ មានសមាជិកក្រុម ១១ចូលរួមប្រកួតប្រជែង រួមមាន៖ ឡាយ ខេត្តព្រះសីហនុ បឹងកេត កងយោធពលខេមរភូមិន្ទ វិសាខា ព្រះខ័នរាជស្វាយរៀង ណាហ្គាវើលដ៍ អឹម អូ អាយ កំពង់ដេវ៉ា អង្គរថាហ្កឺរ អាយអេសអាយ ដង្កោសែនជ័យ និងគិរីវង់សុខសែនជ័យ បានចាប់ផ្តើមការប្រកួតនៅខែ សីហា ឆ្នាំ២០២៥ គ្រោងនឹងបញ្ចប់នៅខែឧសភា ឆ្នាំ២០២៦ ខាងមុខ៕
