ប្រកួតលើកដំបូង របស់កីឡាករ គួន ម៉ុម សមាជិករបស់ក្លិបបាល់ទះវិសាខា និងក្រុមជម្រើសជាតិកម្ពុជា បានជួយឱ្យក្រុមបាល់ទះ Hanoi Volleyball Club យកឈ្នះលើក្រុម Lavie Tay Ninh ក្នុងលទ្ធផល ៣-១ (២៥-១៩, ២១-២៥, ២៥-២១, ២៥-២០) កាលពីថ្ងៃទី៨ តុលា ២០២៥។
ស្របពេលប្រកួតទី២ របស់កីឡាករ គួន ម៉ុម បន្តជួយក្រុមបាល់ទះ Hanoi Volleyball Club ជួបក្រុម The Cong Tan Cang នៅថ្ងៃទី៩ ខែតុលា ឆ្នាំ២០២៥ ម៉ោង៨:០០យប់។
កីឡាករ គួន ម៉ុម បានផ្លាស់ទៅកាន់ក្រុមបាល់ទះ Hanoi Volleyball Club ក្នុងលក្ខខណ្ឌខ្ចីជើង ដើម្បីត្រៀមប្រជែងដណ្តើមពានរង្វាន់បាល់ទះ Vietnam National Volleyball Championship 2025 នៅវៀតណាម។
គួរដឹងថាពានរង្វាន់បាល់ទះ Vietnam National Volleyball Championship 2025 ចាប់ផ្តើមប្រកួតតាំងពីថ្ងៃទី២២ ខែមីនាដល់ថ្ងៃទី១៦ ខែតុលា ឆ្នាំ២០២៥ ក្រោយឈ្នះម្សិលមិញក្រុមបាល់ទះ Hanoi ទទួលបាន ៣ពិន្ទុជាលើកដំបូង ក្រោយឆ្លងកាត់ ៥ប្រកួតកន្លងទៅ ចាញ់ទាំង ៥ប្រកួត៕
