ពានរង្វាន់បាល់ទាត់ពិភពលោក អាយុក្រោម ២០ឆ្នាំ FIFA U-20 World Cup ឆ្នាំ២០២៥ បានរកឃើញក្រុមខ្លាំងចំនួន ៨ឡើងមកជួបគ្នា នៅវគ្គ ៨ក្រុមចុងក្រោយ បន្ទាប់ពីប្រកួតជម្រុះកាលពីថ្ងៃទី២៧ កញ្ញា រហូតដល់ថ្ងៃទី៩ តុលា ២០២៥។
នេះជាក្រុមខ្លាំងទាំង ៨ ឡើងមកជួបគ្នា នៅវគ្គ ៨ក្រុមចុងក្រោយ៖
សម្រាប់កម្មវិធីប្រកួតវគ្គ ៨ក្រុមចុងក្រោយ នៅថ្ងៃទី១១-១២ ខែតុលា ឆ្នាំ២០២៥ រួមមាន៖
- ថ្ងៃទី១១ តុលា៖ ម៉ិកស៊ិក ប្រកួតជាមួយ អាហ្សង់ទីន
- ថ្ងៃទី១១ តុលា៖ អេស្ប៉ាញ ប្រកួតជាមួយ កូឡុំប៊ី
- ថ្ងៃទី១២ តុលា៖ អាមេរិក ប្រកួតជាមួយ ម៉ារ៉ុក
- ថ្ងៃទី១២ តុលា៖ ន័រវេស ប្រកួតជាមួយ បារាំង
ដោយឡែកសម្រាប់ក្រុមពីតំបន់អាស៊ី រួមមានជម្រើសជាតិអាយុក្រោម ២០ឆ្នាំ ជប៉ុន និងកូរ៉េខាងត្បូង សុទ្ធតែធ្លាក់ចេញពីព្រឹត្តិការណ៍កីឡាករបាល់ទាត់ពានរង្វាន់ FIFA U-20 World Cup ឆ្នាំ២០២៥ ត្រឹមវគ្គ ១៦ក្រុមដូចគ្នា។
ព្រឹត្តិការណ៍កីឡាករបាល់ទាត់ពានរង្វាន់ FIFA U-20 World Cup ឆ្នាំ២០២៥ ដែលជាការប្រកួតជើងឯកបាល់ទាត់យុវជនអន្តរជាតិ ២៤ប្រទេសចូលរួម ដោយក្រុមជម្រើសជាតិអាយុក្រោម ២០ឆ្នាំនៃសមាគមសមាជិករបស់ FIFA ជុំវិញពិភពលោក។
ពានរង្វាន់ FIFA U-20 World Cup ឆ្នាំ 2025 នឹងក្លាយជាការប្រកួតលើកទី២៤ ដោយធ្វើឡើងនៅប្រទេសឈីលី ចាប់ផ្តើមចន្លោះពីថ្ងៃទីថ្ងៃទី២៧ ខែកញ្ញា ដល់ថ្ងៃទី១៩ ខែតុលា ឆ្នាំ២០២៥ ដើម្បីរកឃើញម្ចាស់ជើងឯក។
ពានរង្វាន់ FIFA U-20 World Cup បង្កើតឡើងក្នុងឆ្នាំ១៩៧៧ ដោយប្រើឈ្មោះថា FIFA World Youth Championship។ លុះដល់ឆ្នាំ២០០៧ ត្រូវបានប្ដូរឈ្មោះទៅជា FIFA U-20 World Cup ចាត់ទុកការប្រកួតបាល់ទាត់ពិភពលោក ដែមមានកម្រិតអាយុក្រោម ២០ឆ្នាំ។
គួរដឹងថា ពានរង្វាន់ FIFA U-20 World Cup ធ្វើឡើងរៀងរាល់ ២ឆ្នាំម្ដង ដោយក្រុមយុវជនអាយុក្រោម ២០ឆ្នាំអាហ្សង់ទីន ឈ្នះជើងឯក ៦លើក ប្រេស៊ីល ៥លើក ព័រទុយហ្គាល់ និងស៊ែប៊ី ២លើក និងអ៊ុយរ៉ាហ្គាយ ហ្គាណា អេស្ប៉ាញ រុស្ស៊ី អាល្លឺម៉ង់ អង់គ្លេស បារាំង និថអ៊ុយក្រែន បាន១លើកដូចគ្នា៕
