ក្រុមបាល់ទាត់ជម្រើសជាតិកម្ពុជា បានត្រឹមស្មើជាមួយក្រុមបាល់ទាត់ជម្រើសជាតិហុងកុង ក្នុងការប្រកួតមិត្តភាពអន្តរជាតិអំឡុងថ្ងៃ FIFA Days នារាត្រីថ្ងៃទី១៣ ខែវិច្ឆិកា ឆ្នាំ២០២៥ ក្នុងកីឡដ្ឋានហុងកុង Hong Kong Stadium។
ការស្មើគ្នាក្នុងលទ្ធផល ១ទល់និង១ លើកគឺជាលើកទី៣ ហើយសម្រាប់ក្រុមទាំង ក្រោយជួបគ្នាចំនួន ១១លើក គិតចាប់ពីឆ្នាំ១៩៥៧មក ដោយស្មើគ្នាលើកទី១ កាលវគ្គជម្រុះ World Cup ថ្ងៃទី៥ ខែកញ្ញា ឆ្នាំ២០១៩ ក្នុងលទ្ធផល ១-១ លើកទី២ ការប្រកួតមិត្តភាពអន្តរជាតិ ថ្ងៃទី៧ ខែកញ្ញា ឆ្នាំ២០២៣។
ការប៉ះគ្នាចុងក្រោយដែលមានគ្រាប់ ២គ្រាប់នេះ ដោយហុងកុងរកបាន ១គ្រាប់ នៅនាទីទី៣១ ដោយកីឡាករ Wai Wong រំលង់បាន ២នាទី ពោលគឺនៅនាទីទី ៣៣ ប្រធានក្រុមកម្ពុជា សារ៉េ គ្រីយ៉ា តែតបញ្ចូលទីតាមស្មើវិញ ដោយការលើកបាល់ជ្រុងពីកីឡាករ ញាន សុស៊ីដាន់។
ខាងក្រោមនេះគឺជាប្រវត្តិជួបគ្នាចំនួន ១១លើក រវាងកម្ពុជា និងហុងកុង៖
- ៣១ សីហា ១៩៥៧៖ ហុងកុង ៦-២ កម្ពុជា Merdeka Tournament
- ១៨ តុលា ១៩៩៩៖ ហុងកុង ៤-១ កម្ពុជា AFC Asian Cup
- ៧ វិច្ឆិកា ១៩៩៩៖ កម្ពុជា ០-១ ហុងកុង AFC Asian Cup
- ១ កញ្ញា ២០១៦៖ ហុងកុង ៤-២ កម្ពុជា មិត្តភាពអន្តរជាតិ
- ៦ តុលា ២០១៦៖ កម្ពុជា ០-២ ហុងកុង មិត្តភាពអន្តរជាតិ
- ៥ កញ្ញា ២០១៩៖ កម្ពុជា ១-១ ហុងកុង វគ្គជម្រុះ World Cup
- ១៩ វិច្ឆិកា ២០១៩៖ ហុងកុង ២-០ កម្ពុជា វគ្គជម្រុះ World Cup
- ១១ មិថុនា ២០២២៖ កម្ពុជា ០-៣ ហុងកុង AFC Asian Cup
- ៧ កញ្ញា ២០២៣៖ កម្ពុជា ១-១ ហុងកុង មិត្តភាពអន្តរជាតិ
- ១៥ តុលា ២០២៤៖ កម្ពុជា ០-៣ ហុងកុង មិត្តភាពអន្តរជាតិ
- ១៤ វិច្ឆិកា ២០២៥៖ ហុងកុង ១-១ កម្ពុជា មិត្តភាពអន្តរជាតិ៕
