សិង្ហបុរី កក់កៅអីទៅលេងពានរង្វាន់ AFC Asian Cup ឆ្នាំ ២០២៧ បន្ទាប់ពីពីមានពិន្ទុខ្ពស់ជាងគេ ក្នុងពូល C ខណ: ៤ពូលផ្សេងទៀត ដែលត្រូវប្រជែងយក ៤ក្រុមចុងក្រោយ ទៅកាន់ទឹកដីអារ៉ាប៊ីសាអូឌីត ឆ្នាំ២០២៧ ដែរនោះ កំពុងប្រទាញប្រទង់គ្នា ក្នុងនោះមាន ហ្វីលីពីន យេម៉ែន ម៉ាឡេស៊ី ថៃ វៀតណាម តួកមេនីស្ថាន លីបង់ និង តាហ្ស៊ីគីស្ថាន។
បន្ទាប់ពីដណ្តើមបានកំពូលតារាងពូល C នៅវគ្គជម្រុះជុំទី៣ សិង្ហបុរី បានក្លាយជាក្រុមទី២០ ដែលទទួលបានកៅអីទៅលេងពាន Asian Cup ដែលរៀបចំនៅអារ៉ាប៊ីសាអូឌីត ឆ្នាំ២០២៧។ ទាំង៦ពូល ក្នុងវគ្គជម្រុះជើងឯកអាស៊ី ដែលក្នុងមួយពូលមាន៤ក្រុម មានតែមួយក្រុមកំពូលតារាងប៉ុណ្ណោះដែលទទួលបានសំបុត្រទៅវគ្គផ្តាច់ព្រ័ត្រ ស្របពេល៣ក្រុមហាលអាវ។
ក្រុមសរុបទាំង២៤ ដែលទទួលបានកៅអី AFC Asian Cup 2027 នៅពេលនេះ បានរកឃើញ២០ក្រុមរួចរាល់ហើយ មានម្ចាស់ផ្ទះអារ៉ាប៊ីសាអូឌីត, អូស្ត្រាលី, អ៊ីរ៉ាក់, អ៊ីរ៉ង់, អ៊ូសបេគីស្ថាន, កាតា (ម្ចាស់ការពារជើងឯក), អេមីរ៉ាតអារ៉ាប់រួម, ជប៉ុន, កូរ៉េខាងត្បូង, អូម៉ង់, ប៉ាឡេស្ទីន, បារ៉ែន, ហ្ស៊កដានី, ចិន, ឥណ្ឌូណេស៊ី, កូរ៉េខាងជើង, កូវ៉ែត, កាហ្សាក់ស្ថាន, ស៊ីរី និងសិង្ហបុរី។
គួរបញ្ជាក់ថា សម្រាប់ការចាប់ឆ្នោះជុំផ្ដា់ព្រ័ត្រពានរង្វាន់ AFC Asian Cup ឆ្នាំ២០២៧ នៅទឹកដីអារ៉ាប៊ីសាអូឌីត នឹងធ្វើឡើងនៅអំឡុងខេមេសា ឆ្នាំ២០២៦ ចែលចេញជា ៦ពូល ក្រុមលេខ១និងលេខ២ និងក្រុមលេខ២ល្អ ៤ក្រុម ឡើងទៅកាន់វគ្គ១៦ក្រុម ស្របពេលការប្រកួត នឹងត្រូវធ្វើឡើងចាប់ពីថ្ងៃទី៧ ខែមករា និងរកឃើញជើងឯកនៅថ្ងៃទី៥ ខែកុម្ភ: ឆ្នាំ២០២៧៕
