ក្រុមគោព្រៃជំទងកម្ពុជា អាយុក្រោម១៧ឆ្នាំ អស់ឱកាសឡើងវគ្គបន្ត ក្រោយឆ្លងកាត់៥ប្រកួត ឈ្នះ១ និងចាញ់៤ មាន៣ពិន្ទុក្នុងដៃ នៃការប្រកួទវគ្គជម្រុះពូល B នៃពានរង្វាន់ប្រចាំទ្វីប AFC U17 Asian Cup Saudi Arabia 2026 ។
នេះជាលទ្ធផលរបស់ក្រុម U17 កម្ពុជា ៖
- ថ្ងៃទី២២ ខែវិច្ឆិកា ប៉ាគីស្ថាន ៣-១ កម្ពុជា
- ថ្ងៃទី២៤ ខែវិច្ឆិកា ឡាវ ៥-១ កម្ពុជា
- ថ្ងៃទី២៦ ខែវិច្ឆិកា យេម៉ែន ៣-០ កម្ពុជា
- ថ្ងៃទី២៨ ខែវិច្ឆិកា ក្រុមកោះហ្គាម ៥-១ កម្ពុជា
- ថ្ងៃទី៣០ ខែវិច្ឆិកា កៀហ្ស៊ីស៊ីស្ថាន ៣-០ កម្ពុជា
ពានរង្វាន់កម្រិតទ្វីប AFC U-17 Asian Cup qualification វគ្គជម្រុះក្នុងពូលគឺក្រុមកម្ពុជា ស្ថិតនៅពូល B ជាមួយក្រុមជម្រើសជាតិយេម៉ែន, ឡាវ, ម្ចាស់ផ្ទះកៀហ្ស៊ីស៊ីស្ថាន, ក្រុមកោះហ្គាម និង ប៉ាគីស្ថាន ខណៈការប្រកួតវគ្គជម្រុះនេះនឹងធ្វើឡើងនៅថ្ងៃទី២២ ដល់ថ្ងៃទី៣០ ខែវិច្ឆិកា ឆ្នាំ២០២៥ ។
ក្នុងចំណោមក្រុមនៅតាមបូលទាំង៧ ពី A ដល់ G នឹងត្រូវប្រកួតប្រជែងគ្នាដើម្បីយកតែ ១ក្រុមប៉ុណ្ណោះ ឡើងទៅកាន់ជុំចុងក្រោយមាន ១៦ក្រុម រួមមានម្ចាស់ផ្ទះអារ៉ាប៊ីសាអូឌីត ឥណ្ឌូណេស៊ី ជប៉ុន កូរ៉េខាងជើង កាតា កូរ៉េខាងត្បូង តាជីគីស្ថានអេមីរ៉ាតអារ៉ាប់រួម និងអ៊ូសបេគីស្ថាន កំពុងឈរចាំ។ ការប្រកួត នឹងចាប់ផ្ដើមពី៧ ដល់ថ្ងៃទី២៤ ខែឧសភា ឆ្នាំ២០២៦។
សម្រាប់ពានរង្វាន់យុវជនកម្រិតទ្វីប AFC U17 Asian Cup បង្កើតឡើងដំបូងនៅឆ្នាំ១៩៨៥ ពោលគឺមានអាយុកាលជាង ៣៩ឆ្នាំហើយ ខណៈក្រុមយុវជនជប៉ុន ឈ្នះជើងឯងច្រើនជាងគេសរុប៤លើក កូរ៉េខាងត្បូង, កូរ៉េខាងជើង, ចិន, អារ៉ាប់ប៊ីសាអូឌីត, អូម៉ង់, អ៊ូសបេគីស្ថានបានចំនួន២លើក រីឯក្រុមជម្រើសជាតិកាតា, អ៊ីរ៉ុង, ថៃ និងអ៊ីរ៉ាក់ ឈ្នះ១លើកដូចគ្នា៕
