ក្រុមខ្លាំងប្រចាំតំបន់អាស៊ាន Johor Darul Ta’zim FC របស់ម៉ាឡេស៊ី នៅព្រឹកថ្ងៃទី២ ធ្នូនេះ បានចេញដំណើរមកកាន់រាជធានីភ្នំពេញ ប្រទេសកម្ពុជាហើយ ដើម្បីជួបជាមួយក្រុមលេខ១ នៅលីគកំពូលកមពុជា គឺព្រះខ័នរាជស្វាយរៀង ក្នុងពានរង្វាន់ក្លិបក្នុងតំបន់អាស៊ាន ASEAN Club Championship (Shopee Cup) 2024/25 វគ្គចែកពូល នៅថ្ងៃទី៤ ខែធ្នូ ឆ្នាំ២០២៥ ក្នុងពហុកីឡដ្ឋានជាតិមរតតេជោ ម៉ោង ៧:០០នាទីយប់។
ក្រុមដែលមានរហ័សនាមថា ខ្លាដំបងភាគខាងត្បូងម៉ាឡេស៊ី Johor Darul Ta Zim បានបង្ហាញសាច់ដំរបស់ខ្លួនដោយយកឈ្នះ លើកលើក្រុម Kuching ក្នុងការប្រកួតវគ្គពាក់កណ្ដាលផ្ដាច់ព្រ័ ជើងទី២ នៃពានរង្វាន់ 2025 Malaysia FA Cup កាលពីថ្ងៃទី២៩ វិច្ឆិកា ក្នុងលទ្ធផល ២ទល់និង០ (សរុប២ជើង ៤-១) មុនហោះមកកម្ពុជាជួបជាមួយព្រះខ័នរាជស្វាយរៀង។
ដូចនេះ Johor Darul Ta’zim FC បានកក់កៅអីវគ្គផ្ដាច់ព្រ័ត្រ ពានរង្វាន់ 2025 Malaysia FA Cup ដោយត្រូវជួប Sabah F.C. នៅវគ្គផ្ដាច់ព្រ័ត្រ នៅថ្ងៃទី១៤ ខែធ្នូ ឆ្នាំ២០២៥ ខាងមុននេះ។
ក្លិបបាល់ទាត់ព្រះខ័នរាជស្វាយរៀង ឆ្លងកាត់ ២ប្រកួតរួមមកនៅក្នុងពូល B ឈ្នះ ១ និងចាញ់ ១ មាន ៣ពិន្ទុ ឈរនៅលេខ៣ រួមមាន៖
- ក្រុម Johor Darul Ta’zim FC ម៉ាឡេស៊ី ២ប្រកួត ឈ្នះ២ មាន ៦ពិន្ទុ
- ក្រុម Nam Dinh FC វៀតណាម ១ប្រកួត ឈ្នះ ១ មាន ៣ពិន្ទុ
- ក្រុម ព្រះខ័នរាជស្វាយរៀង កម្ពុជា ២ប្រកួត ឈ្នះ១ ចាញ់ ១ មាន ៣ពិន្ទុ
- ក្រុម Lion City Sailors FC សិង្ហបុរី ១ប្រកួត ចាញ់១ មាន ០ពិន្ទុ
- ក្រុម Shan United FC មីយ៉ាន់ម៉ា ១ប្រកួត ចាញ់១ មាន ០ពិន្ទុ
- ក្រុម Bangkok United FC ថៃ ១ប្រកួត ចាញ់១ មាន ០ពិន្ទុ
សម្រាប់លទ្ធផល និងកម្មវិធីប្រកួតរបស់ព្រះខ័នរាជស្វាយរៀង នៅក្នុងពូល B រួមមាន៖
- ថ្ងៃទី២១ សីហា ២០២៥៖ Shan United FC ០-៣ ព្រះខ័នរាជស្វាយរៀង
- ថ្ងៃទី២៥ កញ្ញា ២០២៥៖ Nam Dinh FC ២-០ ព្រះខ័នរាជស្វាយរៀង
- ថ្ងៃទី៤ ធ្នូ ២០២៥៖ ព្រះខ័នរាជស្វាយរៀង ជួប Johor Darul Ta’zim FC
- ថ្ងៃទី២៩ មករា ២០២៥៖ ព្រះខ័នរាជស្វាយរៀង ជួប Bangkok United FC
- ថ្ងៃទី៥ កុម្ភ: ២០២៥៖ Lion City Sailors FC ព្រះខ័នរាជស្វាយរៀង
សូមបញ្ជាក់ថា សម្រាប់រូបមន្តប្រកួតនៅក្នុងពូលគឺក្រុមដែលមានពិន្ទុខ្ពស់ជាងគេ និងក្រុមលេខ២ តាមពូលទាំងពីរនឹងមានឈ្មោះឡើងទៅវគ្គពាក់កណ្តាលផ្តាច់ព្រ័ត្រ ប្រកួតគ្នាចំនួន២ជើង Home/Away ក្រុមឈ្នះ២ក្រុម នឹងឡើងទៅវគ្គផ្តាច់ព្រ័ត្រ។
ក្លិបបាល់ទាត់ថៃ Buriram United គឺជាម្ចាស់ជើងឯកឆ្នាំចាស់ នៃពានរង្វាន់ក្លិបកំពូលអាស៊ាន ASEAN Club Championship (Shopee Cup 2024/25) ក្រោយឈ្នះក្លឹបវៀតណាម Cong An Hanoi ៣ទល់២ ដោយបាល់កាត់សេចក្ដី១១ម៉ែត្រ នាយប់ថ្ងៃទី២១ ខែឧសភា ឆ្នាំ២០២៥។
គួរបញ្ជាក់ថា ពានរង្វាន់ជើងឯកតំបន់អាស៊ាន ASEAN Club Championship នេះធ្លាប់រៀបចំឡើង២លើកមក ដោយក្នុងឆ្នាំ២០០៣ ជើងឯកបានទៅក្រុម East Bengal របស់ឥណ្ឌា ក្រោយយកឈ្នះក្រុម BEC Tero Sasana របស់ថៃ នៅវគ្គផ្ដាច់ព្រ័ត្រ ក្នុងទីក្រុងហ្សាកាតា ប្រទេសឥណ្ឌូណេស៊ី ហើយឆ្នាំ២០០៥ ជើងឯកបានទៅក្រុម Tampines Rovers របស់សិង្ហបុរី ក្រោយយកឈ្នះលើក្រុម Pahang FA របស់ម៉ាឡេស៊ី ដោយលទ្ធផល ៤-២ នៅទីក្រុងបានដារសេរីបេហ្គាវ៉ាន់ ប្រទេសប្រ៊ុយណេ៕
