ពានរង្វាន់សម្តេចតេជោ ហ៊ុន សែន (Hun Sen Cup) ជើងឯកថ្នាក់ខេត្ត លើកទី១៩ ឆ្នាំ២០២៥-២៦ បានឈានដល់ការប្រកួតវគ្គផ្ដាច់ព្រ័ត្រ ដោយក្លិបបាល់ទាត់ឡាយអ៊ិនឃីង ខេត្តសៀមរាប នឹងត្រូវជួបមន្ទីរ អយក ខេត្តកំពង់ចាម នៅថ្ងៃទី២១ ខែធ្នូ ឆ្នាំ២០២៦ នឹងធ្វើឡើងនៅពហុកីឡដ្ឋានជាតិ អូឡាំពិក។
ដូចនេះ ការប្រកួតវគ្គផ្ដាច់ព្រ័ត្រ និងចំណាត់ថ្នាក់លេខ៣ និងធ្វើឡើងនៅថ្ងៃទី២១ ខែធ្នូ ឆ្នាំ២០២៥៖
- វគ្គផ្ដាច់ព្រ័ត្រ៖ ក្លិបបាល់ទាត់ឡាយអ៊ិនឃីង ខេត្តសៀមរាប ប្រកួតជាមួយ មន្ទីរ អយក ខេត្តកំពង់ចាម ម៉ោង ៦:៣០នាទីល្ងាច
- ដណ្ដើមចំណាត់ថ្នាក់លេខ៣៖ ភ្នំពេញហ្គាឡាក់ស៊ី ប្រកួតជាមួយ សមាគមកីឡាបាល់ទាត់ខេត្តត្បូងឃ្មុំ ម៉ោង ៣:៣០នាទីរសៀល
សម្រាប់ពានរង្វាន់សម្តេចតេជោ ហ៊ុន សែន ឆ្នាំ២០២៤/២៥ នេះបន្តបែងចែកជា២កម្រិត ដូចឆ្នាំកន្លងទៅដែរ ដោយក្នុងនោះ ទី១) វគ្គប្រកួតជើងឯកថ្នាក់ខេត្ត និងទី២) វគ្គប្រកួតជើងឯកថ្នាក់ជាតិ។ ក្រោយរកឃើញក្រុមជើងឯក និងកូតា ចេញពីការប្រកួតជើងឯកថ្នាក់ខេត្តរួច គណៈកម្មការប្រកួតនឹងដំណើរការប្រកួតវគ្គជើងឯកថ្នាក់ជាតិម្តង ដែលមានក្រុមសមាជិកលីគកំពូលកម្ពុជា កំពុងរង់ចាំ។
ពានរង្វាន់សម្តេចតេជោ ហ៊ុន សែន បង្កើតឡើងតាំងពីឆ្នាំ២០០៧ មកម៉្លេះ ហើយដល់ឆ្នាំ២០១៨ ទើបមានការបែងចែកជា២វគ្គ ស្របពេលដែលក្រុមធ្លាប់ឈ្នះជើងឯកថ្នាក់ខេត្ត រួមមាន៖
- ២០១៨៖ សាលាបាល់ទាត់ជាតិបាទី
- ២០១៩៖ ត្បូងឃ្មុំ
- ២០២០៖ ព្រៃវែង
- ២០២១៖ កោះកុង
- ២០២២៖ ភ្នំពេញហ្គាឡាក់ស៊ី
- ២០២៣-២៤៖ កំពង់ចាម
- ២០២៤-២៥៖ ត្បូងឃ្មុំ
សូមរឭកថា ពានរង្វាន់សម្តេចតេជោ ហ៊ុន សែន (18th Hun Sen Cup) ជើងឯកថ្នាក់ខេត្ត ឆ្នាំ២០២៤-២៥ កន្លងទៅ បានទៅលើក្រុមមន្ទីរ អយក ខេត្តត្បូងឃ្មុំ ខណៈជើងឯកថ្នាក់ជាតិបានលើក្លិបបាល់ទាត់ភ្នំពេញក្រោន។
ដោយឡែក សម្រាប់ពានរង្វាន់សម្តេចតេជោ ហ៊ុន សែន (18th Hun Sen Cup) ថ្នាក់ជាតិ ត្រូវរៀបចំឡើងតាំងពីឆ្នាំ២០១៧ ដែលធ្វើឡើងជារៀងរាល់ឆ្នាំ ដោយព្រះខ័នរាជស្វាយរៀង ឈ្នះជើងឯកបានច្រើនជាងគេ ៥លើក ក្រសួងការពារជាតិ បាន ៣លើក វិសាខា បាន ៣លើក ភ្នំពេញក្រោន បាន ២លើក ខណ:ណាហ្គាវើលដ៍ ក្រសួងមហាផ្ទៃ បឹងកេត និងខេមរកីឡា ឈ្នះបាន ១លើកដូចគ្នា៕
