ទោះបីជាបានចាកចេញពីកម្ពុជា ក៏ដោយក្តីប៉ុន្តែលោក Pep Muñoz អតីតគ្រូបង្វឹករបស់ក្លិបបាល់ទាត់ព្រះខ័នរាជស្វាយរៀង នៅតែរំឮក និងលើកយកប្រទេសកម្ពុជា មកនិយាយអំពីប្រធានបទបាល់ទាត់ និងប្រជាជនកម្ពុជា ទៅកាន់ពិភពលោក ។
ក្នុងកិច្ចសន្ទាររបស់លោក Urbanpitch អ្នកសារសារព័ត៌មានប្រចាំ URBAN PITCH របស់ប្រទេសអេស៉្បាញ ជាមួយលោក Pep Muñoz បានជជែកគ្នាជុំវិញរឿងរ៉ាវបាល់ទាត់ដែលលោកធ្លាប់បានហែលឆ្លងជាច្រើនឆ្នាំ នៅប្រទេសកម្ពុជា។
លោក Pep Muñoz បន្តកោតសរសើរមិនដាច់ពីមាត់ឡើយ អំពីក្លិបស្វាយរៀង ដោយបង្ហាញចំៗមិនស្ទាក់ស្ទើរក្លិបមានទាំងរចនាសម្ពន្ធដ៏ល្អ និងមានការគាំទ្ររូបលោកផ្ទាល់ក្នុងការដឹកនាំ។ មិនត្រឹមតែប៉ុណ្ណោះ លោកបានបន្ថែមថា ក្លិបព្រះខ័នរាជស្វាយរៀង កំពុងក្លាយជាក្លិបលំដាប់កំពូលធំមួយនៅក្នុងអាស៊ីអាគ្នេយ៍។
ក្រៅពីលើកឡើងយ៉ាងហូរហែលពីក្លិបដែលមានមូលដ្ឋាននៅភាគខាងកើតនៃប្រទេសកម្ពុជា បុរសវ័យ៤១ឆ្នាំ បានបន្តលើកឡើងពីប្រជាជនថែមទៀតផង ដោយបាននិយាយថា «ប្រជាជនកម្ពុជា មានចិត្តល្អ រួសរាយរាក់ទាក់។ ខ្ញុំបានរៀនសូត្រពីពួកជាច្រើន សូម្បីបាល់ទាត់ក៏ពួកគេអាចនៅតាមដងផ្លូវបានផងដែរ ហើយហ្វឹកហាត់យ៉ាងងាយស្រួលមិនមានភាពភ័យខ្លាច»។
សូមរំឭកថា លោក Pep Muñoz ធ្លាប់បានសាងស្នាដៃធំៗជាច្រើនកន្លងមកជាមួយក្លិបបាល់ទាត់ព្រះខ័នរាជស្វាយរៀង ដោយបានជួយឱ្យឈ្នះពានរង្វាន់លីគកំពូលកម្ពុជា ចំនួន២រដូវកាលជាប់គ្នា (២០២៣-២៤ និង២០២៤-២៥) និងពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ ឆ្នាំ២០២៣-២៤។
មុនចាកចេញពីកម្ពុជា លោកបន្តជួយក្រុមតំណាងកម្ពុជា ស្វាយរៀងទទួលបានជើងឯករងនៃពានរង្វាន់កម្រិតទី៣នៃទ្វីបអាស៊ី AFC Challenge League រដូវកាលឆ្នាំ២០២៤-២៥៕
