សំណង់ប្រវត្តិសាស្ត្រមួយរបស់ខេត្តពោធិ៍សាត់ ក្នុងយុគសម័យទំនើប គឺសមិទ្ធផលថ្មី ដែលជា“ពហុកីឡដ្ឋានសម្ដេចតេជោក្រគរ” បាននឹងកំពុងលេចជាចេញរូបរាងបណ្ដើរៗហើយ កំពុងបង្ហាញភាពទាកើទាញយ៉ាងស្រស់ស្អាត់ ពីសំណាក់អ្នកគាំទ្របាល់ទាក់កម្ពុជា។
ការសាងសង់ពហុកីឡដ្ឋានសម្តេចតេជោក្រគរ លើផ្ទៃដីប្រមាណ២៥ហិកតានេះ រួមមាន តារាងបាល់ទាត់ខ្នាតធំ ចំនួន២ តារាងបាល់ទាត់ខ្នាតតូចចំនួន៣ តារាងបាល់ទះចំនួន៦ តារាងបាល់បោះចំនួន៣ តារាងវាយសីចំនួន៤ ព្រមទាំងទីតាំងផ្សេងៗ សម្រាប់លេងកម្សាន្តជាច្រើនទៀត។
ពហុកីឡដ្ឋានសម្តេចតេជោក្រគរ ត្រូវបានធ្វើពិធីបើកការដ្ឋានសាងសង់ នៅលើផ្ទៃដីជាង២៥ហិកតា អតីតចំណតយន្ដហោះចាស់ (វាលសម្ដេចយស) ស្ថិតក្នុងភូមិថ្មី ឃុំស្នាអន្សា ស្រុកក្រគរ ខេត្តពោធិ៍សាត់ កាលពីថ្ងៃទី០១ ខែកក្កដា ឆ្នាំ២០២៤។
តាមរយ:ការអភិវឌ្ឍលើវិស័យបាល់ទាត់ ក៏ដូចជាហេដ្ឋារចនាសម្ព័ន្ធទាំងអស់នេះ ក្នុងខេត្តពោធិ៍សាត់ អាចបញ្ចាក់ថាថ្នាក់ដឹងនាំកំពុងសម្រួចកីឡាមួយនេះពោពេញទៅដោយស្ដងដា មានក្រុមអាជីព កីឡដ្ឋាន និងកីឡាករល្អៗជាច្រើន។ តាមរយ:ការមើលឃើញពីអ្នកស្នេហាវិស័យបាល់ទាត់ សម្រាប់ “ពហុកីឡដ្ឋានសម្ដេចតេជោក្រគរ” ទំនងជាទឹកដីរបស់ក្រុមបាល់ទាត់ ឈើតុំ ដែលមានមូលដ្ឋានក្នុងខេត្តពោធិ៍សាត់នេះឯង។
តើឈើតុំ មានមូលដ្ឋាននៅទីណា?
បើគេធ្វើដំណើរពីរាជធានី ទៅខេត្តពោធិសាត់ តាមផ្លូវជាតិលេខ៥ ដល់ត្រង់ចំណុចទីរួមស្រុកក្រគ ត្រូវបត់ឆ្វេងប្រហែល ២០គីឡូម៉ែត្រ នឹងដល់ទឹកដីឈើតុំ ហើយ។ ឃុំឈើតុំ ជាដែនរដ្ឋបាលស្ថិតនៅក្នុង ស្រុកក្រគរ ខេត្តពោធិ៍សាត់ មាន ភូមិ ១២ភូមិ៕
រូបភាព៖ Screenshot ពី Kim Mex Construction & Investment
