ពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ លើកទី១៩ ឆ្នាំ២០២៥ បានបញ្ចប់ប្រកួតជើងទី១វគ្គ១៦ក្រុមហើយកាលពីថ្ងៃទី២៨ ខែមករា កន្លងទៅ ខណៈគ្រូបង្វឹកតាមក្រុមទាំង១៦ដែលជាសមាជិក បានដឹកនាំក្រុមរបស់ខ្លួនបានយ៉ាងល្អ ជាពិសេសគ្រូដែលដឹកនាំក្រុមមកពីថ្នាក់ខេត្តទាំង៥។
ថ្ងៃនេះសារព័ត៌មានត្រយង សូមលើកយកឈ្មោះគ្រូបង្វឹកទាំង១៦រូបនោះមកជម្រាបជូនប្រិយមិត្តដូចតទៅ។
នេះជាគ្រូបង្វឹកទាំង១៦រូប តាមក្លិបផ្សេងគ្នា៖
- ទី១) លោក COOPER SCOTT JOSEPH គ្រូបង្វឹករបស់វិសាខា ជនជាតិអង់គ្លេស កាន់សញ្ញាប័ត្រ UEFA “A” License
- ទី២) លោក YASUNAGA SOTARO គ្រូបង្វឹករបស់អង្គរថាយហ្គឺរ ជនជាតិជប៉ុន កាន់សញ្ញាប័ត្រ AFC”A”Pro-License”
- ទី៣) លោក NESTOR CONOR LAURENCE គ្រូបង្វឹករបស់បឹងកេត ជនជាតិអៀឡង់ កាន់សញ្ញាប័ត្រ
- ទី៤) លោក ALEJANDRO DORADO RODRIGUEZ គ្រូបង្វឹករបស់អឹមអូអាយ កំពង់ដេវ៉ា ជនជាតិអេស្ប៉ាញ កាន់សញ្ញាប័ត្រ UEFA PRO License
- ទី៥) លោក MCCONKEY MATTHEW MERVYN គ្រូបង្វឹករបស់ព្រះខ័នរាជស្វាយរៀង កាន់សញ្ញាប័ត្រ A License
- ទី៦) លោក OLEG STARYNSKYI គ្រូបង្វឹករបស់ភ្នំពេញក្រោន ជនជាតិអ៊ុយក្រែន
- ទី៧) លោក ភា សុភ័ក្រ្តា គ្រូបង្វឹករបស់កងយធពលខេមរភូមិន្ទ ជនជាតិខ្មែរ កាន់សញ្ញាប័ត្រ A License
- ទី៨) លោក ទុំ សារ៉ាយ គ្រូបង្វឹករបស់អាយអេសអាយដង្កោសែនជ័យ ជនជាតិខ្មែរ កាន់សញ្ញាប័ត្រ AFC (A) Licence
- ទី៩) លោក SATYASAGARA គ្រូបង្វឹករបស់គិរីវង់សុខសែនជ័យ ជនជាតិសិង្ហបុរី កាន់សញ្ញាប័ត្រ AFC PRO License
- ទី១០) លោក ឃឹម បូរី គ្រូបង្វឹករបស់ណាហ្គាវើលដ៍ ជនជាតិសិង្ហបុរី កាន់សញ្ញាប័ត្រ FFC A License
- ទី១១) លោក JUNG DONGGYU គ្រូបង្វឹករបស់ឡាយហ្វខេត្តព្រះសីហនុ កាន់សញ្ញាប័ត្រ AFC/PFF ‘A’ Liecense
- ទី១២) លោក ណុប ញ៉ក គ្រូបង្វឹករបស់ភ្នំពេញហ្គាឡាក់ស៊ី ជនជាតិខ្មែរ កាន់សញ្ញាប័ត្រ AFC ( C ) Coaching
- ទី១៣) លោក ប៊ុន រតនៈ គ្រូបង្វឹករបស់ អយក ខេត្តត្បូងឃ្មុំ ជនជាតិខ្មែរ
- ទី១៤) លោក ចាប សុផល គ្រូបង្វឹករបស់ក្រុមអយក ខេត្តកំពង់ចាម ជនជាតិខ្មែរ កាន់សញ្ញាប័ត្រ AFC(C-18/4212)
- ទី១៥) លោក កែវ សុផល គ្រូបង្វឹករបស់ឡាយអ៊ិនឃីងខេត្តសៀមរាប ជនជាតិខ្មែរ កាន់សញ្ញាប័ត្រ គ្រូកីឡាបាល់ទាត់កម្រិតខ
- ទី១៦) លោក កែវ កុសល គ្រូបង្វឹករបស់ក្រុមបាត់ដំបងយូណៃធីត ជនជាតិខ្មែរ កាន់សញ្ញាប័ត្រ AFC A Coaching Certificate
សម្រាប់ការប្រកួតជើងឯកថ្នាក់ជាតិនេះ បានចាប់ផ្តើមជាផ្លូវការនៅថ្ងៃទី២១ ខែមករា គ្រោងនឹងបញ្ចប់ទៅវិញនៅថ្ងៃទី២៤ ខែឧសភា ឆ្នាំ២០២៦ ដោយតម្រូវឱ្យក្រុមទាំង១៦ ប្រកួតប៉ះដៃគូចំនួន២ជើង ក្នុងនិងក្រៅដី។ ចំនួនក្រុមដែលមានគ្រាប់បាល់ច្រើនជាងគេសរុបទាំងពីរជើង នឹងឡើងទៅវគ្គបន្ត ពីវគ្គ១៦ក្រុម ដល់វគ្គពាក់កណ្តាលផ្តាច់ព្រ័ត្រ ខណៈវគ្គផ្តាច់ព្រ័ត្រ គឺធ្វើតែមួយជើងទេ នៅទឹកដីកណ្តាល។
សូមរំឭកថា ក្រុមមន្ទីរ អយក ខេត្តកំពង់ចាម ម្ចាស់ជើងឯក ពានរង្វាន់សម្តេចតេជោ ហ៊ុន សែន (Hun Sen Cup) ជើងឯកថ្នាក់ខេត្ត លើកទី១៩ ឆ្នាំ២០២៥-២៦ ក្រោយយកឈ្នះក្លិបបាល់ទាត់ឡាយអ៊ិនឃីង ខេត្តសៀមរាប ២-១ នៅវគ្គផ្ដាច់ព្រ័ត្រ ក្នុងពហុកីឡដ្ឋានជាតិ រាជធានីភ្នំពេញ កាលពីថ្ងៃទី២១ ធ្នូ ២០២៥។
សម្រាប់ពានរង្វាន់សម្តេចតេជោ ហ៊ុន សែន (18th Hun Sen Cup) ថ្នាក់ជាតិ ត្រូវរៀបចំឡើងតាំងពីឆ្នាំ២០១៧ ដែលធ្វើឡើងជារៀងរាល់ឆ្នាំ ដោយព្រះខ័នរាជស្វាយរៀង ឈ្នះជើងឯកបានច្រើនជាងគេ ៥លើក ក្រសួងការពារជាតិ បាន ៣លើក វិសាខា បាន ៣លើក ភ្នំពេញក្រោន បាន ២លើក ខណ:ណាហ្គាវើលដ៍ ក្រសួងមហាផ្ទៃ បឹងកេត និងខេមរកីឡា ឈ្នះបាន ១លើកដូចគ្នា៕
