ពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ លើកទី១៩ ឆ្នាំ២០២៦ ចាប់ដំណើរការវគ្គ១៦ក្រុមចុងក្រោយជើងទី១ហើយ កាលពីថ្ងៃទី២១ ខែមករា កន្លងទៅក្នុងនោះឃើញថាមានកីឡាករវ័យក្មេងជាងគេចំនួន១០រូប កំពុងមានឈ្មោះក្នុងបញ្ជីកីឡាករតាមបណ្តាលក្រុមនិងក្លិប នៃពានរង្វាន់ប្រចាំឆ្នាំមួយនេះ។
សារព័ត៌មានត្រយង សូមជម្រាបជូនពីឈ្មោះកីឡាករវ័យក្មេងជាងគេចំនួន១០រូបដូចខាងក្រោម៖
- ទី១) កីឡាករ ប៉ូយ វិសាល សមាជិករបស់ព្រះខ័នរាជស្វាយរៀង កើតថ្ងៃទី១ ខែធ្នូ ឆ្នាំ២០០៨ បច្ចុប្បន្នមានវ័យ១៨ឆ្នាំ
- ទី២) កីឡាករ មាឃ ជារក្សា សមាជិករបស់ព្រះខ័នរាជស្វាយរៀង កើតថ្ងៃទី៩ ខែសីហា ឆ្នាំ២០០៨ បច្ចុប្បន្នមានវ័យ១៨ឆ្នាំ
- ទី៣) កីឡាករ ផាន វិរៈ សមាជិករបស់វិសាខា កើតថ្ងៃទី១១ ខែកុម្ភៈ ឆ្នាំ២០០៨ បច្ចុប្បន្នមានវ័យ១៨ឆ្នាំ
- ទី៤) កីឡាករ រ៉េត ប៊ុនរ៉ាក់ សមាជិករបស់ភ្នំពេញក្រោន កើតថ្ងៃទី៨ ខែកញ្ញា ឆ្នាំ២០០៨ បច្ចុប្បន្នមានវ័យ១៨ឆ្នាំ
- ទី៥) កីឡាករ ប៊ុន ច័ន្ទដារ៉ារាជ សមាជិករបស់ភ្នំពេញក្រោន កើតថ្ងៃទី៨ ខែមេសា ឆ្នាំ២០០៨ បច្ចុប្បន្នមានវ័យ១៨ឆ្នាំ
- ទី៦) កីឡាករ វ៉ន សុវណ្ណារ៉ា សមាជិករបស់អាអេសអាយ កើតថ្ងៃតី១១ ខែមិថុនា ឆ្នាំ២០០៨ បច្ចុប្បន្នមានវ័យ១៨ឆ្នាំ
- ទី៧) កីឡាករ ឌឿន សុភក្តី សមាជិករបស់ភ្នំពេញហ្គាឡាក់ស៊ី កើតថ្ងៃទី២៨ ខែធ្នូ ឆ្នាំ២០០៨ បច្ចុប្បន្នមានវ័យ១៨ឆ្នាំ
- ទី៨) កីឡាករ ហ្វារី ហ្សាន សមជិករបស់បាត់ដំបងយូណៃធីត កើតថ្ងៃទី២៩ ខែកញ្ញា ឆ្នា២០០៨ បច្ចុប្បន្នមានវ័យ១៨ឆ្នាំ
- ទី៩) កីឡាករ ម៉ុន សាវិ សមាជិករបស់ព្រះខ័នរាជស្វាយរៀង កើតថ្ងៃទី១០ ខែមីនា ឆ្នាំ២០០៩ បច្ចុប្បន្នមានវ័យ១៧ឆ្នាំ
- ទី១០) កីឡាករ អ៊ី ហ្សៃហ្វុតឌីន សមាជិករបស់ភ្នំពេញហ្គាឡាក់ស៊ី កើតថ្ងៃទី៤ ខែមេសា ឆ្នាំ២០០៩ បច្ចុប្បន្នមានវ័យ១៧ឆ្នាំ
លទ្ធផលការប្រកួត ថ្ងៃទី២១ ខែមករា ឆ្នាំ២០២៦
សូមជម្រាបថា ពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ លើកទី១៩ ចាប់ផ្តើមពីថ្ងៃទី២១ ខែមករា ដល់ថ្ងៃទី២៤ ខែឧសភា ឆ្នាំ២០២៦ ដោយតម្រូវឱ្យក្រុមទាំង១៦ ប្រកួតប៉ះដៃគូចំនួន២ជើង ក្នុងនិងក្រៅដី។
ក្រុមទាំង១៦ ដែលមានគ្រាប់បាល់ច្រើនជាងគេសរុបទាំងពីរជើង នឹងឡើងទៅវគ្គបន្ត ដោយគិតពីវគ្គ១៦ក្រុម ដល់វគ្គពាក់កណ្តាលផ្តាច់ព្រ័ត្រ ខណៈវគ្គផ្តាច់ព្រ័ត្រ គឺធ្វើតែមួយជើងទេ នៅទឹកដីកណ្តាល។
សូមរំឭកថា ក្រុមមន្ទីរ អយក ខេត្តកំពង់ចាម ម្ចាស់ជើងឯក ពានរង្វាន់សម្តេចតេជោ ហ៊ុន សែន (Hun Sen Cup) ជើងឯកថ្នាក់ខេត្ត លើកទី១៩ ឆ្នាំ២០២៥-២៦ ក្រោយយកឈ្នះក្លិបបាល់ទាត់ឡាយអ៊ិនឃីង ខេត្តសៀមរាប ២-១ នៅវគ្គផ្ដាច់ព្រ័ត្រ ក្នុងពហុកីឡដ្ឋានជាតិ រាជធានីភ្នំពេញ កាលពីថ្ងៃទី២១ ធ្នូ ២០២៥។
សម្រាប់ពានរង្វាន់សម្តេចតេជោ ហ៊ុន សែន (18th Hun Sen Cup) ថ្នាក់ជាតិ ត្រូវរៀបចំឡើងតាំងពីឆ្នាំ២០១៧ ដែលធ្វើឡើងជារៀងរាល់ឆ្នាំ ដោយព្រះខ័នរាជស្វាយរៀង ឈ្នះជើងឯកបានច្រើនជាងគេ ៥លើក ក្រសួងការពារជាតិ វិសាខា បានចំនួន៣លើក ភ្នំពេញក្រោន បាន ២លើក ខណ:ណាហ្គាវើលដ៍ ក្រសួងមហាផ្ទៃ បឹងកេត និងខេមរកីឡា ឈ្នះបាន ១លើកដូចគ្នា៕
