កម្ពុជា ក្លាយជាប្រទេសសមាជិកអាស៊ានមុនគេ ដែលឈ្នះមេដាយ ក្នុងព្រឹត្តិការណ៏កីឡាលើឆ្នេរខ្សាច់អាស៊ី 6th Asian Beach Games នៅទីក្រុង Sanya ប្រទេសចិន។
ម្ចាស់មេដាយរកបានដោយកីឡាការិនី ម៉ហ្គត មរកត ហ្គារ៉ាប៊ីឌៀន (Garabedian Margot Morokot) ប្រកួតលើវិញ្ញាសារ Women Individual Aquathlon (រត់ នឹងហែលទឹក) ទទួលបានមេដាយ ប្រាក់ ដោយប្រើថេរវេលា ៣២.០០ នាទី ក្នុងចំណោមកីឡាការិនី២៧ រូប មកពី១៥ ប្រទេស។
ការប្រកួត ក្នុងព្រឹត្តិការណ៏កីឡាលើឆ្នេរខ្សាច់អាស៊ី លើកទី៦ នៅទីក្រុងសាន់យ៉ា សាធារណរដ្ឋប្រជាមានិតចិន កម្ពុជាបានបញ្ជូនថ្នាក់ដឹកនាំ ប្រតិភូ គ្រូបង្វឹក កីឡាករ កីឡាការិនីសរុបចំនួន ៣២នាក់ លើ៤ប្រភេទកកីឡាចូលរួមប្រកួតៈ ជឺជីតស៊ូ ទ្រីយ៉ាត្លុងបាល់ទាត់លើតុ និងចំបាប់។
ក្នុងព្រឹត្តិការណ៏កីឡាលើឆ្នេរខ្សាច់អាស៊ី លើកទី៦ 6th Asian Beach Games នៅទីក្រុង Sanya ប្រទេសចិន ដែលប្រព្រឹត្ដទៅចាប់ពីថ្ងៃទី២២រហូតដល់ថ្ងៃទី៣០ ខែមេសា ឆ្នាំ២០២៦។
គួរបញ្ជាក់ថា សម្រាប់កម្ពុជា ក្នុងការចូលរួមប្រជែងមេដាយ ក្នុងក្នុងព្រឹត្តិការណ៏កីឡាលើឆ្នេរខ្សាច់អាស៊ី Asian Beach Games ចំនួន ៥លើកកន្លងមក ដណ្ដើមបានមេដាយសរុបចំនួន ២២គ្រឿង មេដាយមាស ៦គ្រឿង មេដាយប្រាក់ ៦គ្រឿង និងមេដាយសំរឺទ្ធ ១០គ្រឿង៕
