ភ្នំពេញ៖កម្លាំងនគរបាលប្រឆាំងជួញដូរមនុស្សនិងអនិតិជននៃអគ្គស្នងការនគរបាលជាតិ បានឆ្មក់ចូល KTV មួយកន្លែង សង្ស័យពាក់ព័ន្ធករណីជួញដូរផ្លូវភេទដោយឃាត់មនុស្សប្រុសស្រីជាច្រើននាក់ផងដែរ ។
រង្វង់ប្រតិបត្តិការនេះបានធ្វើឡើងនៅវេលាម៉ោង១០យប់ថ្ងៃទី២៣ខែមេសាឆ្នាំ២០២៦ នៅចំនុចKTV យីហោភោជនីយដ្ឋានឬស្សីស្រស់ ដែលស្ថិតតាមបណ្ដោយផ្លូវជាតិលេខ១ សង្កាត់និរោធ ខណ្ឌច្បារអំពៅ រាជធានីភ្នំពេញ ។
ប្រភពព័ត៌មាន បានអោយដឹងថា មុនពេលកេីតហេតុ គឺមានកម្លាំងនគរបាលប្រឆាំងជួញដូរមនុស្សនិងការពារអនីតិជន បានឆ្មក់ចូលទីតាំង KTV ខាងលើ ដោយសង្ស័យថា ពាក់ព័ន្ធករណី ជួញដូរផ្លូវភេទ ដោយឃាត់មនុស្សស្រីជាច្រើននាក់ ក្នុងនោះក៍មាន អនីតិជនផងដែរ ។
ក្នុងរង្វង់ប្រតិបត្តិការនេះបន្ទាប់ពីឃាត់ខ្លួនបានហើយ នារីឯទាំងនោះត្រូវបានសមត្ថកិច្ចដឹកតាមរថយន្ត សាំងយ៉ុងចំនួន៦រថយន្ត ដឹកយកទៅសួរនាំនៅផ្នែកជំនាញនៃអគ្គស្នងការនគរបាលជាតិដេីម្បីអនុវត្តនិតិវិធី ។
អត្ថបទ÷ត្រយងតូច