ក្លិបបាល់ទាត់វិសាខា នឹងធ្វើដំណើរទៅកាន់ទឹកដីវេងស្រេង ដើម្បីជួបអាយអេសអាយ ដង្កោសែនជ័យ នៅវគ្គពាក់កណ្ដាលផ្ដាច់ព្រ័ត្រ ជើងទី២ នៃពានរង្វាន់សម្តេចតេជោ ហ៊ុន សែន (Hun Sen Cup) ជើងឯកថ្នាក់ជាតិ លើកទី១៩ ឆ្នាំ២០២៥-២៦ ក្នុងកីឡដ្ឋាន អាយអេសអាយ ផាក ម៉ោង ៦:០០នាទីល្ងាច។
ក្នុងជំនួបជើងទី១ កាលថ្ងៃទី២២ ខែមេសា ឆ្នាំ២០២៦ វិសាខា បានយកឈ្នះដោយលទ្ធផល ៣-០ លើក្រុម អាយ អេស អាយ ដង្កោសែនជ័យ នៅទឹកដីរបស់ខ្លួន ក្នុងកីឡដ្ឋាន វិសខា។ ៣គ្រាប់នេះបានធ្វើអោយ វិសាខា ជាក្រុមដែលមានភាគរយខ្ពស់ កក់កៅអីទៅកាន់វគ្គផ្ដាច់ព្រ័ត្រ នៅល្ងាចនេះ។
វគ្គពាក់កណ្តាលផ្តាច់ព្រ័ត្រ ថ្ងៃទី២៩ ខែមេសា ឆ្នាំ២០២៦៖
- ជើងទី១៖ បឹងកេត ប្រកួតជាមួយ ព្រះខ័នរាជស្វាយរៀង ម៉ោង ៦:០០ នាទីល្ងាច នៅពហុកីឡដ្ឋានជាតិ អូឡាំពិក
- ជើងទី២៖ អាយអេសអាយ ដង្កោសែនជ័យ ប្រកួតជាមួយ វិសាខា ម៉ោង ៦:០០ នាទីល្ងាច កីឡដ្ឋាន អាយអេសអាយ ផាក
វគ្គពាក់កណ្តាលផ្តាច់ព្រ័ត្រ (ជើងទី២)
- ថ្ងៃទី២០ ខែឧសភា ឆ្នាំ២០២៦៖ ព្រះខ័នរាជស្វាយរៀង ប្រកួតជាមួយ បឹងកេត ម៉ោង ៦:០០ នាទីល្ងាច នៅពហុកីឡដ្ឋានជាតិមរតតេជោ
ពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិ លើកទី១៩ ចាប់ផ្តើមពីថ្ងៃទី២១ ខែមករា ដល់ថ្ងៃទី២៤ ខែឧសភា ឆ្នាំ២០២៦ ដោយតម្រូវឱ្យក្រុមទាំង១៦ ប្រកួតប៉ះដៃគូចំនួន២ជើង ក្នុងនិងក្រៅដី។ ខណ:ម្ចាស់ជើងឯកឆ្នាំចាស់ ភ្នំពេញក្រោម របូតពានមួយនេះ នៅត្រឹមវគ្គ ៨ក្រុមចុងក្រោយ បន្ទាប់ពីចាញ់ អាយអេសអាយ ដង្កោសែនជ័យ សរុបទាំង២ជើង ក្នុងលទ្ធផល ៤-២។
សម្រាប់ពានរង្វាន់សម្តេចតេជោ ហ៊ុន សែន (Hun Sen Cup) ថ្នាក់ជាតិ ត្រូវរៀបចំឡើងតាំងពីឆ្នាំ២០១៧ ដែលធ្វើឡើងជារៀងរាល់ឆ្នាំ ដោយព្រះខ័នរាជស្វាយរៀង ឈ្នះជើងឯកបានច្រើនជាងគេ ៥លើក ក្រសួងការពារជាតិ បាន ៣លើក វិសាខា បាន ៣លើក ភ្នំពេញក្រោន បាន ២លើក ខណ:ណាហ្គាវើលដ៍ ក្រសួងមហាផ្ទៃ បឹងកេត និងខេមរកីឡា ឈ្នះបាន ១លើកដូចគ្នា៕
