ក្លិបបាល់ទាត់ Newcastle United សម្រេចតែងតាំងលោក Eddie Howe ជាគ្រូបង្គោលថ្មី ជាមួយកិច្ចសន្យារយ:ពេល២ឆ្នាំកន្លះ ពោលគឺរហូតដល់ខែមិថុនា ឆ្នាំ២០២៤ ដើម្បីមកជំនួសតំណែងលោក Steve Bruce ដែលត្រូវបានព្រះអង្គម្ចាស់ Mohammed Bin Salman រជ្ជទាយាទអារ៉ាប៊ីសាអូឌីត ប្រកាសដកចេញតំណែងក្រោយដឹកនាំមិនសូវបានល្អ។
គួររំលឹកលោក Eddie Howe សញ្ជាតិអង់គ្លេស វ័យ៤៣ឆ្នាំ បានចាកចេញពី A.F.C. Bournemouth កាលពីខែសីហា ឆ្នាំ២០២០ បន្ទាប់ពីក្លិបត្រូវបានកាត់ចេញពីក្របខ័ណ្ឌកំពូល English Premier League។
លោក Eddie បាននិយាយថា៖ “វាជាកិត្តិយសដ៏អស្ចារ្យមួយដែលបានក្លាយជាគ្រូបង្វឹករបស់ក្រុម Newcastle United ខ្ញុំពិតជាមានមោទនភាពខ្លាំងចំពោះខ្លួនខ្ញុំផ្ទាល់ និងក្រុមគ្រួសាររបស់ខ្ញុំ ហើយខ្ញុំសូមអរគុណដល់ម្ចាស់ក្លិបសម្រាប់ឱកាសនេះ”។
បច្ចុប្បន្ន Newcastle ដែលមានលោក Graeme Jones ជាគ្រូបង្វឹកបណ្តោះអាសន្នជំនួសលោក Steve Bruce នៅតែបន្តស្ថិតនៅលេខ១៩ ដដែលក្រោយដឹកនាំក្រុមបាន៣ប្រកួត ពោលគឺស្មើ២ និងចាញ់១ មិនទាន់ស្គាល់ពាក្យថាឈ្នះឡើយ។
