ទស្សនីយភាពដ៏ជក់ចិត្ត៖ សិស្ស-និស្សិតនគរបាលជាតិ សម្ដែងក្បាច់គុន និងបច្ចេកទេសបង្ក្រាបជនល្មើស និងក្មេងទំនើង

[ភ្នំពេញ] — សិស្ស-និស្សិតនគរបាលជាតិ នៃបណ្ឌិត្យសភានគរបាលកម្ពុជា បានបង្ហាញពីសមត្ថភាពសម្ដែងយ៉ាងរស់រវើក នូវការប្រើប្រាស់ក្បាច់គុនការពារខ្លួន និងបច្ចេកទេសអន្តរាគមន៍ ដើម្បីបង្ក្រាបរាល់បទល្មើសនានា
ជាពិសេសគឺការបង្ក្រាបក្រុមជួញដូរគ្រឿងញៀន និងក្រុមក្មេងទំនើងដែលបង្កភាពអសន្តិសុខក្នុងសង្គម។

ការសម្ដែងដ៏ជក់ចិត្តនេះ បានបង្ហាញឲ្យឃើញពីការហ្វឹកហាត់យ៉ាងស្វិតស្វាញ និងការត្រៀមលក្ខណៈសម្បត្តិគ្រប់គ្រាន់របស់កងកម្លាំងនគរបាលជំនាន់ក្រោយ ក្នុងការការពារសន្តិសុខ សុវត្ថិភាព និងសណ្តាប់ធ្នាប់សាធារណៈជូនប្រជាពលរដ្ឋ។

ការសម្ដែងនេះមិនត្រឹមតែបង្ហាញពីភាពរឹងមាំផ្នែកកាយសម្បទារបស់កងកម្លាំងរបស់យើងប៉ុណ្ណោះទេ ប៉ុន្តែថែមទាំងឆ្លុះបញ្ចាំងពីគុណភាពនៃការបណ្តុះបណ្តាលដ៏រឹងមាំ របស់បណ្ឌិត្យសភានគរបាលកម្ពុជា ក្នុងការកសាងធនធានមនុស្ស ប្រកបដោយវិន័យ ជំនាញច្បាស់លាស់ និងមនសិការវិជ្ជាជីវៈខ្ពស់ ដើម្បីបម្រើជាតិនិងប្រជាជនផងដែរ៕

ទស្សនាវីដេអូ៖ សូមចុច ត្រង់​នេះ