ពានរង្វាន់សម្តេចតេជោ ហ៊ុន សែន ជើងឯកថ្នាក់ជាតិលើកទី១៩ ឆ្នាំ២០២៦ បានរកឃើញម្ចាស់ជើងឯកហើយ នោះគឺក្រុមបាល់ទាត់ព្រះខ័នរាជស្វាយរៀង ក្រោយបានយកឈ្នះលើក្រុមវិសាខា ដោយបាល់កាត់ក្តី១១ម៉ែត្រ ៥-៣ ក្រោយក្រុមទាំងពីរស្មើគ្នាដោយលទ្ធផលសរុប១២០នាទី ៤-៤ ក្នុងជំនួបវគ្គផ្តាច់ព្រ័ត្រ នៅក្នុងពហុកីឡដ្ឋានជាតិមរតកតេជោ ក្រោមក្រសែភ្នែកអ្នកទស្សនាជាង ១,៣០០០នាក់។
អត្ថបទពាក់ព័ន្ធ៖ ស្វាយរៀង គ្រងជើងឯកពានសម្តេចតេជោ លើកទី៦ ក្រោយចាយពេលសរុប១២០នាទី លើទីលានទល់នឹងវិសាខា
ក្រោយរកឃើញម្ចាស់ជើងឯករូច គណៈកម្មការរៀបចំការប្រកួតពានរង្វាន់សម្តេចតេជោ ហ៊ុន សែន បានប្រគល់ពានឯកត្តជនជូនដល់ម្ចាស់ពានដែលបានឈ្នះ ក្រោយចាយពេលប្រកួតលើទីលាន ជើងឯកថ្នាក់ជាតិ ឆ្នាំ២០២៦។
នេះជាម្ចាស់ពានរង្វាន់ និងពានឯកត្តជន ឆ្នាំ២០២៦ ៖
- ទី១) ក្លិបបាល់ទាត់ព្រះខ័នរាជស្វាយរៀង ជើងឯក (លេខ១)
- ទី២) ក្លិបបាល់ទាត់វិសាខា ជើងឯករង (លេខ២)
- ទី៣) កីឡាករ Nana Kwame សមាជិករបស់វិសាខា ឈ្នះពានរង្វាន់កីឡាករទាត់បាល់បញ្ចូលទីច្រើនជាងគេ
- ទី៣) កីឡាករ Lancine Diakite សមាជិករបស់កអាយអេសអាយដង្កោសែនជ័យ ឈ្នះពានរង្វាន់កីឡាករលេងល្អជាងគេប្រចាំព្រឹត្តិការណ៍
- ទី៤) កីឡាករអ្នកចាំទី វីរះ ដារ៉ា សមាជិករបស់ព្រះខ័នរាជស្វាយរៀង ឈ្នះពានងាជាអ្នកចាំទីល្អជាងគេប្រចាំព្រឹត្តិការណ៍
- ទី៥) លោកគ្រូ Mattew McConkey គ្រូបង្វឹករបស់ព្រះខ័នរាជស្វាយរៀង ឈ្នះពានរង្វាន់គ្រូបង្វឹកល្អជាងគេប្រចាំព្រឹត្តិការណ៍
- ទី៦) ក្លិបបាល់ទាត់វិសាខា ឈ្នះពានរង្វាន់ក្រុមគោរពវិន័យល្អជាងគេ (Fair play award)
