ក្រុមបាល់ទាត់បុរសជម្រើសជាតិកម្ពុជា ឈរចំណាត់ថ្នាក់លេខ១៧៥ ខណ:ក្រុមនារីឈរនៅចមណាត់ថ្នាក់លេខ១១៤ ក្នុងតារាងចំណាត់ថ្នាក់ពិភពលោក (FIFA Ranking) ប្រចាំខែមិថុនា ឆ្នាំ២០២៦ នេះបើយោងតាមការបញ្ជាក់របស់គេហទំព័រ FIFA.Com។
ក្រុមបុរសរំកិលឡើងបាន ២កាំចំណាត់ថ្នាក់បើធៀបនឹងខែមុន ក្រោយយកឈ្នះប៊ូតាន់ ៤-០ និងបន្តឈ្នះ ហុងកុង ២-០ ក្នុងជំនួបមិត្តភាពថ្ងៃ FIFA Day។
ដោយឡែកសម្រាប់ក្រុមនារីកម្ពុជា វិញរំកិលឡើងបាន ៣កាំចំណាត់ថ្នាក់បើធៀបនឹងខែមុន ក្រោយយកឈ្នះសិ្ហបុរី ៥-០ និងចុងក្រោយស្មើជាមួយ ឥណ្ឌូណេស៊ី ១-១ ក្នុងជំនួបមិត្តភាព។
បើធៀបនឹងប្រទេសនៅអាស៊ីអាគ្នេយ៍ ក្រុមបាល់ទាត់បុរសកម្ពុជាស្ថិតនៅលេខ៨ ដោយឈរលើឡាវ ព្រុយណេ និងទីម័រខាងកើត។ ចំណែកថៃ ឈរលេខ១ នៅអាស៊ីអាគ្នេយ៍ ដោយស្ថិតនៅលេខ៩៤ ក្នុងតារាង FIFA Ranking រីឯ វៀតណាម លេខ៩៩, ឥណ្ឌូណេស៊ីលេខ១១៨, ហ្វីលីពីនស្ថិតនៅលេខ១៣៥, ម៉ាឡេស៊ីលេខ១៣៦, សិង្ហបុរីលេខ១៤៨ និងមីយ៉ាន់ម៉ាលេខ១៥៨ ។
ងាកមកក្រុមនារីកម្ពុជា ធៀបនឹងប្រទេសនៅអាស៊ីអាគ្នេយ៍ ស្ថិតនៅលេខ៨ ដោយឈរលើសិង្ហបុរី និងទីម័រខាងកើត។ ចំណែកលេខ១ វៀតណាម នៅអាស៊ីអាគ្នេយ៍ ដោយស្ថិតនៅលេខ៣៧ ក្នុងតារាង FIFA Ranking រីឯហ្វីលីពីនលេខ ៣៩, ថៃលេខ ៤៩, មីយ៉ាន់ម៉ាលេខ ៥៥, ម៉ាឡេស៊ីលេខ ៩៥, ឡាវលេខ១១០ និងឥណ្ឌូណេស៊ីលេខ ១១១៕
