រាជធានីភ្នំពេញ៖ នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ នៃអគ្គស្នងការដ្ឋាននគរបាលជាតិ បានចេញរបាយការណ៍ទិន្នន័យគ្រោះថ្នាក់ចរាចរណ៍ផ្លូវគោកទូទាំងប្រទេស ប្រចាំថ្ងៃទី១២ ខែមិថុនា ឆ្នាំ២០២៦ នេះ (គិតចាប់ពីម៉ោង ១៤៖០០ ថ្ងៃទី១១ ដល់ម៉ោង ១៤៖០០ ថ្ងៃទី១២ ខែមិថុនា) ដោយមានករណីគ្រោះថ្នាក់កើតឡើងសរុបចំនួន ៥លើក (ក្នុងនោះកើតឡើងនៅពេលយប់ចំនួន ៣លើក)។
ឧប្បត្តិហេតុទាំងនេះបានបណ្តាលឱ្យមនុស្សស្លាប់៖ ៣នាក់ (ប្រុសទាំងអស់) អ្នករងរបួសសរុប៖ ៧នាក់ (ប្រុសទាំងអស់) របួសធ្ងន់៖ ៦នាក់ និងរបួសស្រាល៖ ១នាក់ រួមទាំងករណីមិនពាក់មួកសុវត្ថិភាព៖ មានចំនួន ៩នាក់ (ក្នុងនោះកើតឡើងនៅពេលយប់ ៥នាក់)។
យោងតាមទិន្នន័យអគ្គស្នងការដ្ឋាននគរបាលជាតិ អាជ្ញាធរមានសមត្ថកិច្ចនៅតែបន្តអំពាវនាវយ៉ាងទទូចដល់បងប្អូនប្រជាពលរដ្ឋអ្នកធ្វើដំណើរទាំងអស់ សូមចូលរួមគោរពច្បាប់ចរាចរណ៍ឱ្យបានខ្ជាប់ខ្ជួន ព្រោះ «ការគោរពច្បាប់ចរាចរណ៍ គឺស្មើនឹងការគោរពជីវិតខ្លួនឯង និងអ្នកដទៃ»៕
