នាថ្ងៃទី១៦ ខែមិថុនា ឆ្នាំ២០២៦ ឯកឧត្តម រុន តូ អនុរដ្ឋលេខាធិការ និងជាប្រធានក្រុមសម្របសម្រួលការងារធនធានទឹក និងឧតុនិយមខេត្តក្រចេះ តំណាងឯកឧត្តម ថោ ជេដ្ឋា រដ្ឋមន្ត្រីក្រសួងធនធានទឹក និងឧតុនិយម បានដឹកនាំក្រុមការងារ ចុះពិនិត្យស្ថានភាពធនធានទឹក និងការងារបង្កបង្កើនផលស្រូវរដូវវស្សា នៅក្នុងភូមិសាស្ត្រខេត្តក្រចេះ។
ក្នុងបេសកកម្មនេះ ក្រុមការងារ បានចុះពិនិត្យប្រព័ន្ធធារាសាស្ត្រសំខាន់ៗ ៤ កន្លែង រួមមាន៖
- ទំនប់រំលាច (ក្រុងក្រចេះ)៖ ស្តុកទឹក ៥លានម៉ែត្រគូប បច្ចុប្បន្ន ៤០%
- ទំនប់កោះសុក្រំ (ស្រុកចិត្របុរី)៖ ស្តុកទឹក ៤,៥លានម៉ែត្រគូប បច្ចុប្បន្ន ៥០%
- ស្វាយជ្រំ (ស្រុកចិត្របុរី)៖ ស្តុកទឹក ៥លានម៉ែត្រគូប បច្ចុប្បន្ន ៥០%
- ទំនប់១០៥ (ស្រុកចិត្របុរី)៖ ស្តុកទឹក ១,៥លានម៉ែត្រគូប បច្ចុប្បន្ន ៦០%
សរុបវឌ្ឍនភាពការដាំដុះស្រូវវស្សា នៅខេត្តក្រចេះ សម្រេចបាន ២២,១៤៩ ហិកតា ស្មើនឹង ៣៧,៨២% នៃផែនការ ៥៨,៥៧០ ហិកតា ដែលយឺតជាងឆ្នាំ២០២៥ ចំនួន ៤,២៤០ ហិកតា ដោយសារភ្លៀងធ្លាក់មិនទៀងទាត់។
ឯកឧត្តម រុន តូ បានណែនាំឱ្យមន្ទីរជំនាញ៖
- បន្តផ្សព្វផ្សាយអនុក្រឹត្យគ្រប់គ្រងអាងទន្លេ
- ទប់ស្កាត់ការទន្ទ្រានដីអាងទឹកខុសច្បាប់
- រៀបចំផែនការដាំដុះស្របតាមបរិមាណទឹក
- ត្រៀមអន្តរាគមន៍សង្គ្រោះឱ្យទាន់ពេល
វិធានការទាំងនេះ មានគោលបំណងធានាការពារទិន្នផលស្រូវ និងគាំទ្រជីវភាពប្រជាកសិករ ក្នុងរដូវវស្សានេះ។
អត្ថបទ៖ ភ្នាក់ងារខេត្តកណ្ដាល
