កាលពីថ្ងៃទី២៨ ខែកក្កដា ឆ្នាំ ២០២៦ ឯកអគ្គរដ្ឋទូតចិនប្រចាំកម្ពុជា លោក Wang Wenbin បានបង្ហោះសារដ៏មានអត្ថន័យដោយបានលើកសរសើរត្រង់ៗចំពោះលោក ទីវ តារារិទ្ធិ ដែលបានលះបង់ជិះកង់លើចម្ងាយដីរាប់សិបម៉ឺនគីឡូដើម្បីមុខមាត់កម្ពុជា។
ឯកអគ្គរដ្ឋទូតរូបនេះបានលើកឡើងថា៖ «ពិតជាមានមោទនភាព និងគួរឱ្យស្ងើចសរសើរខ្លាំងណាស់ នៅពេលបានដឹងថាលោក ទីវ តារារិទ្ធិ ដែលជាអ្នកជិះកង់ពិភពលោករបស់កម្ពុជា បានបំពេញបេសកកម្មជិះកង់ដ៏អស្ចារ្យឆ្លងកាត់ទ្វីបអាស៊ី និងអឺរ៉ុប មុននឹងបញ្ចប់ដំណើររបស់ខ្លួននៅភាគខាងត្បូងទ្វីបអាហ្វ្រិក។ លោកបានជិះកង់កាត់ចម្ងាយផ្លូវប្រមាណ ៥៨,០០០គីឡូម៉ែត្រ ឆ្លងកាត់ ៤០ប្រទេស ក្នុងរយៈពេល ៧៣០ថ្ងៃ ដើម្បីផ្សព្វផ្សាយរូបភាពវិជ្ជមានរបស់កម្ពុជា។ ទេពកោសល្យដ៏ពិសេស ភាពមុតមាំ បទពិសោធន៍ដ៏ទូលំទូលាយ និងការពុះពារអត់ធ្មត់បែបនេះ គឺពិតជាគួរឱ្យយកតម្រាប់តាម និងបំផុសគំនិតជាខ្លាំង។»
សរុបមក ដំណើរផ្សងព្រេងដ៏អស្ចារ្យរបស់លោក ទីវ តារារិទ្ធិ មិនត្រឹមតែជាសមិទ្ធផលផ្ទាល់ខ្លួនដ៏ធំធេង និងគួរឱ្យស្ងើចសរសើរប៉ុណ្ណោះទេ ប៉ុន្តែវាក៏ជាមោទនភាពជាតិដ៏ខ្ពង់ខ្ពស់ ដែលបានបង្ហាញដល់ពិភពលោកអំពីស្មារតីអត់ធ្មត់ ភាពក្លាហាន និងកម្លាំងចិត្តដ៏មុតមាំរបស់ប្រជាជនកម្ពុជា។ ការតស៊ូជិះកង់ឆ្លងកាត់រាប់ម៉ឺនគីឡូម៉ែត្រក្នុងរយៈពេល២ (ពីរ) ឆ្នាំពេញ គឺជាស្ពានតភ្ជាប់វប្បធម៌ និងជាសារដ៏មានអត្ថន័យក្នុងការលើកកម្ពស់មុខមាត់ និងកិត្យានុភាពរបស់ព្រះរាជាណាចក្រកម្ពុជាឱ្យកាន់តែលេចធ្លោរនៅលើឆាកអន្តរជាតិ៕
