ភ្នំពេញ៖ ឆ្លងចរន្តអគ្គីសនីឆាបឆេះផ្ទះប្រជាពលរដ្ឋមួយកន្លែងបង្កការភ្ញាក់ផ្អើលរថយន្តពន្លត់អគ្គិភ័យចេញជួយអន្តរាគមន៍។ ហេតុការណ៍គ្រោះអគ្គិភ័យបានកើតឡើងកាលវេលាម៉ោង ១២និង៤០នាទីរសៀល ថ្ងៃទី៣០ ខែកក្កដា ឆ្នាំ២០២៦
ស្ថិតនៅចំណុចផ្ទះលេខ១០A ផ្លូវ៥១៤ ក្រុម២ ភូមិ០១ សង្កាត់ ផ្សារដើមថ្កូវ ខណ្ឌ ចំការមន រាជធានីភ្នំពេញ។
ម្ចាស់ទីតាំងឈ្មោះ ឈុន សុខហេង ភេទ ស្រី អាយុ ២៧ឆ្នាំ ជនជាតិ ខ្មែរ មុខរបរ អ្នក់គ្រប់គ្រងសាលា។ ចំពោះមូលហេតុបង្កជាអគ្គិភ័យ បណ្បណ្តាលមកពីឆ្លងចរន្តអគ្គិសនី ឆាបឆេះប្រភេទសំណង់:ថ្មបេតុងទំហំ ៤ម៉ែត្រx១៦ម៉ែត្រ រងការខូចខាតសម្ភារៈ ឆេះខូចខាតបន្ទប់ទំហំ៤ម៉ែត្រx៤ម៉ែត្រ នឹងសម្ភារះប្រើប្រាស់រួមមានទូទឹកកក១ កង្ហារ១ ម៉ាសុីនត្រជាក់១ កុំព្យួទ័រ១ គ្រែពូក១ ឈុតទូដាក់ខោអាវសំបុត្រកំណើតសៀវភៅគ្រួសារសៀវភៅស្នាក់នៅនឹងឯកសារមួយចំនួន។
ប្រតិបត្តិការពន្លត់អគ្គិភ័យខាងលើនេះដែរកម្លាំងរបស់ការិយាល័យបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ បានប្រេីប្រាស់រថយន្តពន្លត់អគ្គិភ័យចំនួន ៤គ្រឿង ប្រេីប្រាស់ទឹកអស់ចំនួន២រថយន្ត ស្មើរនឹង ៨ម៉ែត្រគូប ។ រថយន្តសាលាខណ្ឌឬស្សីកែវ ១គ្រឿង ប្រើប្រាស់ទឹកអស់ ១រថយន្ត ស្មើរនឹង ៨ម៉ែត្រគូប ។ រថយន្តរបស់ក្រុមហ៊ុនហ្គេនស្បើត ចំនួន ១គ្រឿងប្រើប្រាស់ទីកអស់ ១រថយន្ត ស្មើរនឹង ៤ម៉ែត្រគូប។ ពន្លត់ចប់: នៅវេលាម៉ោង ១នឹង២០នាទីរសៀល នាថ្ងៃខែ ឆ្នាំដដែល។
