ក្លិបបាល់ទាត់ Leicester City ដែលមានលោក Aiyawatt Srivaddhanaprabha ជនជាតិថៃ បានប្រកាសដាក់លក់ក្លិបក្នុងតម្លៃ ២០០ លានផោន។ ក្រោយអតីតម្ចាស់ជើងឯកលីគកំពូលអង់គ្លេស Premier League ឆ្នាំ២០១៦នេះ ធ្លាក់ទៅដល់លីគលំដាប់ទី៣អង់គ្លេស EFL League One ទៅហើយនិងបញ្ហាហិរញ្ញវត្ថុជាច្រើនថែមទៀត។
គួរដឹងថាកាលពីឆ្នាំ២០១០៖ គ្រួសារលោក Aiyawatt Srivaddhanaprabha (ដឹកនាំដោយលោក Vichai Srivaddhanaprabha) បានទិញយកក្លិប Leicester City ក្នុងតម្លៃប្រមាណ ៣៩លានផោន។
សមិទ្ធផលប្រវត្តិសាស្ត្រដ៏ជោគជ័យអស្ចារ្យបំផុតក្នុងប្រវត្តិសាស្ត្របាល់ទាត់គឺឈ្នះពានរង្វាន់ Premier League ក្នុងរដូវកាល ២០១៥-២០១៦ និងពានរង្វាន់ FA Cup ក្នុងឆ្នាំ ២០២១។
ប៉ុន្តែក្នុងឆ្នាំ ២០១៨ អតីតប្រធានក្លិបលោក Vichai បានទទួលអនិច្ចកម្មដោយសារគ្រោះថ្នាក់ធ្លាក់ឧទ្ធម្ភាគចក្រ (Helicopter) នៅក្រៅកីឡដ្ឋាន King Power ហើយកូនប្រុសរបស់លោក គឺលោក Aiyawatt Srivaddhanaprabha បានឡើងមកបន្តតំណែងជាប្រធានក្លិបដល់បច្ចុប្បន្ន៕
